Killiliisa: Nalilersuisoqareernerata kingorna najoqqutassiaq nutartigaq
Najoqqutassiaq nalilersorneqarlunilu nutarterneqarpoq. Inuit meeqqanik inuusuttunillu suliaqartartut sulianik suliaqarnissaminnut annilaanngannginnerusartut aamma iliuuseqarusunnerulersimasut kiisalu atornerluisarneq aamma meeqqat inuusuttullu kinguaassiuutitigut ernumanartumik pissusilersortarneri pillugit nutaamik ilisimasaqalerneri naliliinerup takutippaa.
Killiliisap "Meeqqanik kinguaassiuutitigut atornerluineq pillugu ilinniagalinnut najoqqutassiaa" nutartigaq maanna inulerisunit atuarneqarsinnaalerpoq.
Killiliisap najoqqutassiaa nutartigaq Isumaginninnermut Aqutsisoqarfiup nittarsaappaa.
Najoqqutassiap nutarterneqarnera Naalakkersuisut kinguaassiuutitigut atornerluisarnermut periusissiaata, Killiliisa 2018-2022-p, nalilersoqqinneranut ilaavoq, nalilersueqqinnermi paasissutissiisarnerup ilisimasanillu avitseqatigiittarneq ilaatigut sammineqartussatut pingaartinneqarput.
Paquminarunnaartitsilluni sunniuteqartoq
Najoqqutassiaq malitseqartitsivigalugu 2020-mi nalunaarusiortoqarpoq, tassani inuit meeqqanik inuusuttunillu suliaqartartut najoqqutassiaq pillugu arlalinnik apeqquteqarsimallutik. Isumaginninnermut Aqutsisoqarfik naapertorlugu najoqqutassiaq anguniakkamisut atorneqartartoq nalunaarusiap inernerisa takutippaat:
- Inuit meeqqanik inuusuttunillu suliaqartartut sulianik suliaqarnissaminnut annilaanngannginnerusartut aamma iliuuseqarusunnerulersimasut kiisalu atornerluisarneq aamma meeqqat inuusuttullu kinguaassiuutitigut ernumanartumik pissusilersortarneri pillugit sulisut nutaamik ilisimasaqalernerinik nalunaarusiortoqarpoq.
- Malitseqartitsilluni nalunaarusiami aamma ima allassimasoqarpoq: "… Najoqqutassiaq meeqqanik kinguaassiuutitigut atornerluineq pillugu qulequtaq paquminarunnaartitsilluni sunniuteqarsimasoq", Isumaginninnermut Aqutsisoqarfiup nittartagaani allassimavoq.
Malitseqartitsilluni nalunaarusiap inerneri tunuliaqutaralugit aamma Isumaginninnermut Aqutsisoqarfiup ukiuni kingullerni marlunni nutaamik ilisimasaqalernera peqqutigalugu najoqqutassiaq nutarterniarlugu aalajangertoqarpoq:
- Meeqqat inuusuttullu kinguaassiuutimikkut atornerlunneqarsimasut assigiimmik suleriuseqarfigineqarnissaat aamma siunertaavoq, tassami najoqqutassiaq meeqqat atugarissaannginnermik ilisarnaatillit aamma kinguaassiuutitigut atornerlunneqartartutut ersiutillit qanoq sullinneqarnissaannik malittarisassanik imaqarpoq.
Najoqqutassiaq nutartigaq www.paarisa.gl-imi atuarneqarsinnaavoq.