Killisiuineq matoqqasumik ingerlanneqarpoq
15-inik ukiulimmik toqutsisimasutut unnerluutigineqartumik inatsisit tunngaviusut malillugit killisiuineq, septemberip 13-ianni 2007-imi Qaqortup eqqartuussiviani pisoq, matoqqasumik ingerlanneqarpoq.
Annonse
Tamatumunnga pissutaavoq unnerluutigineqartup ukiukissusia. Taamatut oqarpoq landsdommeri Søren Søndergård Hansen, toqutsisimasutut unnerluutigineqartup 15-inik ukiullip naapertuulluartumik eqqartuunneqarnissaanik Amnesty/KN-p kissaataanut oqaaseqaammini. 15-inik ukiulik unnerluutigineqarpoq 85-inik ukiulimmik Gerda Møllerimik Ålborgimi toqutsisimasutut.
Tamatuma saniatigut oqaatigaa eqqartuussinermi oqalutseqarsimasoq, soorluttaaq unnerluutigineqartup ukiukissusia innersuussutigalugu inunnik isumaginninnermik ingerlatsivimmeersumik najuuttoqarsimasoq.