Kim G. Sermit A/S-imi atorfinippoq
Nuup kommunalbestyrelsiani ilaasortaq Kim Godtfredsen, Siumut, suliffeqarfimmit IT-mik ingerlataqartumi Sermit A/S-imi suliffittaarpoq.
Suliffeqarfik Sermit, siornatigut KIT, arpattartorlu Kim Godtfredsen atsioqatigiissimapput, Sermit A/S-imi novembarip 1-ianiit Key Account Manager-itut atorfimmi nutaami atorfininnissaanik.
– Key Account Managerip suliassaraa sullitanut attaveqarnissaq aammalu sullitat, atuisartut Sermit-imilu sulisunut attassuteqaataasoq, HR-imut pisortaq Jens Graabæk tusagassiutinut nalunaarummi nassuiaavoq.
– Inuit kalaallisut, qallunaatut tuluttullu tusarnaarsinnaallutillu oqaloqatiginnissinnaasut pissarsiariniarsimavagut. Suliami matumani IT-mik ilinniarsimanissamik tunuliaqutaqarnissaq pinerunagu IT-mik ilisimasaqarnissaq pingaarnerutissimavarput, Jens Graabæk oqarpoq, nangillunilu: Atorfimmut tassunga tunngatillugu inunnik peqatigiiffinnillu suleqateqarsinnaanermik piginnaasaqartut ujartorsimavagut. Anguniagaavoq, Sermit-ip isumassarsiaasa suliaasalu kommunini Namminersornerullutillu oqartussani suliffinnik pitdsaasunik pilersitsinissap qularnaarniarnissaa.
Kim Godfredsen qaffasissumi timersortartuunermi saniatigut Nuup kommuneani Siumut sinnerlugu kommunalbestyrelsemi ilaasortaavoq. Kisianni timersortartutut piginnaasaqarnini SErmit A/S-imi atorfininneranut tunngaviusimagunarput.
– Kim qaffasissumik timersortartuunermigut aallussisinnaanermut, pilersaarusiorsinnaanermut miinerunngitsumillu qasusuilluni ingerlaannarsinnaanernut piginnaaneqarnermigut Key Account Manager-itut atorfimmi piginnaasaqarfiit pisariaqartut atorfissaqartitagut pigai, Jens Graabæk naggasiivoq.