Kinamiut pitsaasunik akissarsiaqarlik
Inatsisinik atortitsinermut ministereqarfik namminersorlutillu oqartussat kinamiut suliartortussat pillugit oqaloqatigiipput
Akissarsiat pitsasut atorfininnermilu atugassat pissaasut nunatsinnut suliartortunut atuuttariaqarput. Taama naliliivoq inatsisinik atortitsinermut ministeri Morten Bødskov, S, Dansk Folkepartiimi nunatsinnut tunngasunik oqaaseqartartumut Martin Henriksenimut.
Henriksen novembarip 22-ani ministerimut apeqquteqarpoq Kalaallit Nunaanni najugaqarsinnaanermut akuersissutinut tunngasumik, ministerilu qinnuigalugu Kalalalit Nunaanni nunanit allamiut akuulernissamullu pilitikkimi maleruagassat nassuiaqqullugit. Martin Henriksen apeqquteqarnermini novembarip 17-ani sermitsiaq.AG-mi allaaserisat eqqarsaatigai ”Kineserne skal godkendes i Danmark” aamma Ekstrablademi ”2000 kinesiske slaver til Grønland”.
Ministerip akissummini nalunaarutigaa akuutitsinissamut ministeqarfimmi upernaakkut 20$$-mi kalaallit oqartussaasui akuerineqarsimasut allamiunik sulisoqarnissamik taamaattoq akuersaarneqarsinnaasumik akissarsiaqartunik atorfininnermilu naammaginartunik atugaqartunik.
- Ingammik suliniutini najugaqarnissamut sulinissamullu akuersissuteqarfigineqartussani allaaserisamiittuni taamanikkut akuutitsinissamut ministeriamiit kalaallit oqartussaasuisut upernaakkut 2011-mi paasisinneqarput, Kalaallit Nunaanni pissutsit immikkut ittut isiginiarneqartut suliallu annertussusaa, piumasaqatillu iluini akuerissuteqartoqarsinnaassasoq, Morten Bødskov akivoq.
- Aamma piumasaqaataassaaq kalaallit naalakkersuisut naliliissasut tassani naammaginartunik akissarsiaqartoqarlunilu atorfininnermi naammaginartunik atugassaqarnissaa, Morten Bødskov oqarpoq.
Ministerip nalunaarutigaa inatsisinik atortitsinermut ministereqarfimmi akissarsianut atorfininnermilu atugassat nunanit allanit Kalaallit Nunaannut suliartortussat atugassaat pillugit maleruagassat misissorneqartut.