Kinguaassiuutitigut kannguttaatsuliorsimasut katsorsarneqartut
Kinguaassiuutitigut kannguttaatsuliorsimasut pineqaatissinneqarsimasut maannamuugallartoq aqqaneq-marluk killissanik aamma atoqatigiinnermut tunngasunik annerusumik ilinniartinneqarnissaminnut akuersisimapput.
![Tigummigallarneqartut inuillu matoqqasumiittussatut pineqaatissinneqarsimasut, Nuummi pineqaatissinneqarsimasunut inissiisarfimmi matoqqasumiittussanngorlugit pineqaatissinneqarsimasut, Nunatsinni Pinerluuteqarsimasunik Isumaginnittoqarfiup atoqatigiinnermut aamma killissarititaasunut ilinniartitsinissamut neqeroorummi ilaatinneqanngillat.](https://image.sermitsiaq.ag/557575.webp?imageId=557575&width=960&height=518&format=jpg)
- Katsorsaasarnissaq pisariaqarluinnarpoq.
meeqqanut, inuusuttunut, ilaqutariinnut peqqissutsimullu naalakkersuisoq Mimi Karlsen (IA) AG-mi ilanngussami taama oqarpoq.
Aviisi AG taama allappoq.
Tassani tunngavilersuutigaa, sakkortuumik pineqaatissiisarnerup saniatigut inunnut meeqqanut inuusuttuaqqanullu katsorsarneqarnissamik neqerooruteqartarnissaq aamma pisariaqarluinnartoq. Taamaaliunngikkutta kalaallit meerartaannut inuusuttuarartaannullu kannguttaatsuliortarnerit uteqattaartuartut qaangernavianngikkivut, naalakkersuisoq erseqqissaavoq.
Pineqaatissinneqarsimasut ilaasa iliuuserisimasamik kinguneri paasisinnaanngilaat kinguaassiuutinullu namminerminnut tunngasunik allallu killiliisarnerannik ilinniarnissaminnut pisariaqartitsinngitsutut imminut isigisarnatik, allalli pissuserisartakkaminnik allanngortitserusullutik, tassa angut inuusuttoq AG-p sapaatip akunnerani kingullermi allaaserisaa assigalugu.
Nuummi pineqaatissinneqarsimasunut inissiisarfiup ukiup aallartinneraniilli suliniut ”Inussuk” aallartippaa, tamatumani kinguaassiuutitigut kannguttaatsuliorsimasutut pineqaatissinneqarsimasunut iliuuseqarnissamik taaneqartumut neqeroorutaalluni.
- Maannamut pineqaatissinneqarsimasut aqqaneq-marluk katsorsarneqarnerminnik aallartitseriinngikkunik naammassinneqqammerput, pineqaatissinneqarsimasunut inissiisarfimmi pisortaq Peter Fomsgaard AG-mut oqarpoq.
Aviisimi AG-mi atuarnerusinnaavutit. Aviisi uani pissarsiariuk: