KNAPK siulersuisunut ilaasortanik nutarterisoq
Karl Tobiassen naalakkersuisunngornermi kingorna KNAPK-p siulersuisuinit tunuarpoq.
![Karl Tobiassen (talerperleq) Aqqaluaq B. Egede kingoraarlugu aalisarnermut piniarnermullu naalakkersuisunngorpoq.](https://image.sermitsiaq.ag/656651.webp?imageId=656651&width=960&height=512&format=jpg)
Inuit Ataqatigiit Siumullu naalakkersuisoqatigiinnik nutaanik pilersitsimmata Naalakkersuisuni aamma nutarterisoqarpoq.
Siumut ilaatigut aalisarnermut piniarnermullu naalakkersuisuutitaqalerpoq. Nutaatut naalakkersuisunngortoq tassaavoq Karl Tobiassen, naalakkersuisunngortinneqarnermini aalisartut piniartullu kattuffiata KNAPK-p siulersuisuunerinut ilaasortaasoq.
KNAPK paasissutissiivoq, Karl Tobiassen apriilip 5-ani naalakkersuisunngortinneqarnerminut atatillugu siulersuisuunernit tunuartoq.
![Ole Jørgen Davidsen ernærer sig som fisker og fanger.](https://image.sermitsiaq.ag/656790.webp?imageId=656790&width=960&height=960&format=jpg)
KNAPK-p siulersuisui sapaatip-akunnerani matumani inissitsiteqqipput, tamatumanilu Ole Jørgen Davidsen Karl Tobiassen kingoraarlugu siulersuisuunernut ilaasortanngorluni.
Ole Jørgen Davidsen Narsami aalisartut piniartullu peqatigiiffiannut siulittaasuuvoq.
Jens M. Lyberthip kattuffimmi ulluinnarni aqutsisuni Karl Tobiassen kingoraarpaa.
KNAPK maannakkorpiaq Royal Greenlandimut nipisat suaannik tunisinermi akit isumaqatigiinniutigineqarneranni aaqqiagiinngissuteqarpoq. Naalakkersuisunngoqqammersoq Karl Tobiassen poorskinngitsiartoq oqarpoq, Naalakkersuisut isumaqatigiinniarnernut maannamuugallartoq akuliunnianngitsut.
Uumasorsiooq Bjarne 'Ababsi' Lyberth KNAPK-mi pisortatut tunuartinneqarpoq. Tamatuma kinguninnguatigut politikeri Vittus Qujaukitsoq pisortaagallartutut atorfinitsinneqarpoq.