Kommune Kujalleq: Pipaluk Larsen Petersen borgmesterimut tullersortinngorpoq
27. september 2023-mi kommunalbestyrelsip ataatsimiinnerani Pipaluk Larsen Petersen (IA) borgmesterip tullersortaatut siullertut inissippoq.
Borgmesterip tullersortertaava ulluinnarni inunnik isumaginnittoqarfimmi sulisarpoq ullumikkullu Qaqortumi ilinniarnerminut atatillugu ukioq manna nuuffigisimasamini najugaqarpoq.
Pipaluk Larsen Petersen kommunalbestyrelsimut april 2021-mi qinersisoqarmat 107-nik taaguunneqarluni qinigaavoq, taamaalillunilu IA sinnerlugu Kommune Kujallermi sassartuni qinigaanerpaat arfinilerivaat.
Kommunalbestyrelsimi qinigaaqataa Naja Lund (IA) sulinngiffeqarnissaminik qinnuteqarnikuuvoq kommunalbestyrelsimillu akuerineqarluni, taamaammat borgmesterip tullia siullertut paarlatsissaanik toqqaasoqartussanngornikuuvoq.
Juunip 19-iani IA aamma Demokraatit atsioqatigiipput Kommune Kujallermi suleqatigiissutissaminnik, taannalu isumaqatigiissut april 2025-ip tungaanut atuuttussaavoq.