Kommune Kujalleq
Kommune Kujallermi kommunaldirektørinngortussaq
Kommune Kujallermi kommunaldirektøriugallartoq, Frank Hedegaard Jensen, maanna kommunaldirektøriusoq januaarip naanerani soraarninngorpat, kommunaldirektørinngussaaq
Kommunalbestyrelsimi ilaasortat kingullermik matoqqasumik ataatsimiinnerminni aalajangiuppaat kommunaldirektøriungallartoq, Frank Hedegaard Jørgensen, kommunaldirektør-itut nutaatut atorfinitsinniarlugu. Tamannalu januaarip naanerani Jørgen Vetterleinip soraarninngorneraniit pissasoq, Kommune Kujalleq ilisimatitsivoq.
Kommunaldirektørinngortussaq cand.scient.pol-itut ilinniagaqarpoq Aarhusip Universititiani ilinniagaqarsimasuuvoq, 1983-imiillu Nanortallip kommuniani atorfeqalerpoq, siullermik Allatseqarfimmi pisortatut kiisalu 1990-imiit kommunaldirektøritut atorfeqarsimalluni. 2009-miit maannamut kommunaldirektørip tullersortaatut Kommune Kujallermi atorfeqarpoq, ukiorlu manna aallarnerfigalugu kommunaldirektøriungallartutut sulivoq.
Kommunaldirektørissaq ukiuni qaangiuttuni suleqatissaminik attavippassuaqalersimavoq, minnerunngitsumik Namminersorlutik Oqartussat iluani aammalu pisortat ingerlatsiviini allani, taamaalillunilu aamma kommuneqarfiit ingerlanneqarnerinut ilisimasaqqortuutut nalilerneqartariaqarluni.
- Uanga borgmesterinngorninniit maannamut Frank Hedegaard Jørgensen qanimut suleqatigilluarpara, qilanaarpungalu peqatigalusi Frank Hedegaard Jørgensenip siunissamut sammisumik suleqatigeqqinnissaanut, Kommune Kujallermi borgmesteri, Jørgen Wæver Johansen oqarpoq.