Kommune Kujalliup ineqarnermut akiliutit qaffakkai
Namminersorlutik Oqartussat ininut attartukkanutakigititatik ukiuni qulini qaffassimanngikkaat, kommunitininut akiliutinik qaffaanissartik ilimasaarutigeqqippaat.
Kommunit inissiaataasa attartortinneqartartut nutarterneqartarnissaat aserfallatsaalineqartarnissaallu kinguaattoorfiusorujussuuvoq. Inissiat attartortinneqarnerannit isertinneqartartut, inissiat iluinik aserfallatsaaliinernut nutarternerinullu naammaqqalaaginnartarput. Tamatuma kinguneranik inissiat sivikinnerusumik atasinnaassuseqartarput, nutarterneqarnissaminnut kinguaattoorfiusorujussuullutik aamma inissiat atorsinnaanngitsut amerliartuinnarlutik.
Taamak allaaserinnippoq aviisi Sermitsiaq.
Kommune Kujallermi kommunalbestyrelsip oktobarimi ataatsimiinneranit imaqarniliami tamanna atuarneqarsinnaavoq. Tamatumunnga atatillugu inissiaatileqatigiiffiup A/S INI-p kommunip inissiaataanni 2024-imi ineqarnermut akiliutinik 3 procentinik qaffaasoqarnissaa akuersissutigineqarpoq.
A/S INI-p nuna tamakkerlugu inissianik 9.000-it missaanniittunik isumaginnittuusup, ineqarnermut akiliutit qaffanneqassanersut nalilersortarpaa.
Allaaserisaq tamaat aviisimi Sermitsiami atuaruk.
