Kommuni atugarissaarnermut immikkoortortaq milliuunilikkaanik aningaasaleeqqittoq

Qeqqata Kommuniani kommunalbestyrelse 2023-mi naggataamik ataatsimimmat, aalajangerneqarpoq Maniitsumi atugarissaarnermut immikkoortortaqarfimmut 11,5 milliuunit koruuninik immikkut aningaasaliisoqassasoq kiisalu Sisimiuni atugarissaarnermut immikkoortortap iluani aningaasat katillugit 5,5 milliuunit koruunit allamut atortussanngorlugit nuunneqassasut.

- Pissutsit taamaalinerannut peqqutaasoq annerpaaq tassaavoq meeqqanik sullissinermi angerlarsimaffiup avataanut inissinneqartut, Maniitsumi utoqqaat angerlarsimaffianni aamma inuit innarluutillit najugaqatigiiffianni tulluartunik inissiiffissanik soqannginnera patsisaalluni napparsimmavinni piffissami sivisunerusumi uninngatitsisarnerit annertusiartornerat, ataatsimiinnermi 19. december suliap saqqummiunneqarnerani allassimavoq.

Siusinaartumik soraarnerussutisiaqartunut aningaasartuutit amerlisimaneri aamma nassuiaatigineqarpoq.

Angerlarsimaffiup avataanut inissinneqartut amerlanerusut

Meeqqat angerlarsimaffiup avataanut inissinneqarsimasut 2023-p aallartinnerani 13-iusut, ukiup naanerani 17-iupput. Meeqqat ilaat ukiup ingerlanerani angerlartinneqarsimapput, aammali suliassat nutaat Maniitsumi atugarissaarnermi immikkoortortaqarfimmut tunniunneqartarsimallutik, nassuiaatigineqarpoq.

Samtidig har forvaltningen modtaget en ældre regning på 1,7 millioner kroner for to børn anbragt i Danmark, da forældremyndighedshaverne har haft en bopæl i Maniitsoq for anbringelsestidspunktet.

Uninngasoq ataaseq ullormut 6.000 koruuneqarpoq

Maniitsumi atugarissaarnermut immikkoortortaqarfik naapertorlugu inuit paaqqutarineqartariaqartut arfineq-marluk peqqissaavimmi piffissami sivisuumi uninngasuutigineqartariaqarsimapput. Taama inissittoqarnerani peqqissaavimmi uninngatitsinermi unnuk ataaseq inummut ataatsimut 6.000 koruuninik akeqarpoq.

Napparsimmavimmi uninngatinneqartariaqarsimapput inuit innarluuteqartunut ineqarfinni imaluunniit ulloq unnuarlu neqeroorutini inissaqartitsisoqannginnera pissutigalugu.

- Taakkunaniillutik utoqqaat sisamat taavalu siusinaarlutik soraarnerussutisiallit timikkut imaluunniit tarnikkut innarluutillit pingasut. Uninngasut taakku ilaat uninnganerminni tapersersorteqalerput, taamaalilluni kommuni uninngatitsinermi ullormut akip saniatigut tapersersortip akissaarsiassaanik aningaasartuuteqarluni, isumaginninnermut immikkoortortaqarfimmit nassuiaatigineqarpoq.