Kommuni Qeqertalik eqqakkanik 12.000 tonsiusunik tunniussisimasoq
Sineriammi illoqarfinni nunaqarfinnilu eqqagarpassuit Esanip umiarsuaa tikikkangat nunguttarput.
Kommune Qeqertalimmi eqqagarpassuit kommunimi innuttaasunut piffissami sivisuumi paamisaartitsisimasut nungunneqalerput. Tamanna pivoq ingerlatseqatigiiffik Esani ikiortigalugu, Esani Naalakkersuisut avatangiisinut aningaasaateqarfiannit 1,4 millioner koruuninik aningasaliiffigineqarsimavoq, eqqqanik Danmarkimukaassisarnissaanut.
Aningaasaliiissutaasimasut ikiorsiullugit ingerlatseqatigiiffiup umiarsuaa sineriammi angalalluni eqqanik katerseriarluni Danmarkimut angallassisartussaavoq.
Umiarsuaq angallassinermi ataatsimi eqqakkanut 2500 tonsiusunut inissaqarpoq, ingerlatseqatigiiffillu naapertorlugu, avatangiisinut aningaasaateqarfimmit aningaasaliissutigineqartut, ikummatissanut akit apeqqutaallutik, marloriarluni pingasoriarluniluunniit angallassinissamut naammapput.
Kommunimi eqqakkat 1200 tonsit aaneqarsimasut
Umiarsuaq eqqagassalerissut North Viking oktobarip 12-ianiit 14-ianut Aasiasnniissimavoq, tassani eqqakkat 750 tonsiusut poortorneqarsimasut aasimallugit.
ESANI siullerpaamik kommunitsinni taama eqqagassanik amerlatigisunik aallerpoq, Kommuni Qeqertalimmit tusagassiorfitsigut nalunaaruteqarnermi ilisimatitsissutigineqarpoq.
- Nuannaarutigalugu nalunaarutigissavarput eqqakkat umiarsuarmut assartorneri
ingerlalluarmata.
Umiarsuaq Aasianniit Qeqertarsuarmut, tassanngaanniillu Ilulissanut, Qasigiannguanut Kangaatsiamullu ingerlaqqissimavoq.
Qeqertarsuarmi eqqakkat 195 tonsit missaanniittut Qasigiannguanilu 255 tonsit missaanniittut umiarsuarmut ikiorarneqarsimapput. Umiarsuarlu maannakkorpiaq Kangaatsiamiilluni.