Kommunip tunngaviusumik inatsit unioqqutippaa
Avatangiisinik illersuiniaqatigiiffiup Earth Charterip Narsami immikkoortortaqarfiata Narsap Kommunia ataatsimooqatigiisitsinissamut kiffaanngissuseqarnermi aalajangersakkanut akerliusumik iliuuseqarsimasutut pisuutippaa.
Avatangiisinut suliniaqatigiiffiup Earth Chartersip Narsami immikkoortortaqarfiata kujataata kommunianut ikaarsaariarnermi ataatsimiitsitaliaq neriorsueqqullugu qinnuigaa Kommune Kujalliup katersuussinnaannermut aamma qanorluunniit oqaaseqarsinnaatitaanermut tunngaviusumik inatsisip aalajangersagaanik malinneqqullugu.
Ataasinngornermi novembarip 17-iani Earth Charter Narsaq kommunip illuutaani A 21-imi Kuannersuarmi uranimik piiaaniarneq pillugu akerliunermik takutitsinummik ataatsimiitsitsiniarpoq, taannali taamaatittariaqarsimavoq, sunngiffimmi sammisassaqartitsinermut ingerlatsiviup kommunip iniutaat "illuinnaasiortumik akerliuniarnermut ataatsimiinnernut" atorneqaqqusaanngitsut nalilersimammagu.
– Kommunip iliuuserisaa unioqqutitsineruvoq, aammalu qanorluunniit oqarsinnaatitaanermut sumiluunniit katersuussinnaanermut tunngaviusumik inatsisip aalajangersagaanut unioqqutitsinerulluni, taamak Earth Charterip siulittaasua Finn Lynge oqarpoq.
Taassumali nuannaarutigaa suliaq ilorraap tungaanut ingerlalersimammat.
– Suliaq iluaqutaavoq, tassami maani nunami demokratiip kinguarsimassusiata qanoq annertutigineranut takussutissaammat. Qassimmitaava borgmesteri allalluunniit ajuallatseqinagamikkit nipangiinnartarpat, Finn Lynge aperivoq.
Ilinniartitaanermut allanullu naalakkersuisoqarfimmi siunnersorti Ivan Burkal oqarpoq, kommunip iliuuserisimasaa "eqartoq"-tut isikkoqartoq.
Sermitsiami ullumi saqqummersumi aamma atuaruk...