Konservativiusoq imigassartorsimalluni biilersimasoq uterpoq
Folketingimi sulinerminut konservativit partiianni Kalaallit Nunaat pillugu oqaaseqartartoq Per Ørum Jørgensen uterpoq.
Naalakkersuinikkut sulinerminiit nammineq kissaateqarnini tunngavigalugu sulinngiffeqareerluni uterpoq, qammat ataasingajak matuma siorna imigassartorsimalluni biilernermini tigusaanermi kingorna.
- Sukumiisumik eqqarsareerlunga aajalangerpunga poorskip kingorna Folketingimi naalakkersuinermi sulininnut uterniarlunga, Per Ørum Jørgensen tusagassiuutitigut nalunaarummini oqarpoq.
Naalakkersuinermik suliaqartoq konservativiusoq, ilaatigut partiini sinnerlugu Kalaallit Nunaat, silap pissusaa nukkiuuteqarnerlu pillugit oqaaseqartartoq, imigassartorunnaarniarluni katsorsaariaaseq Minnesotamik aallaavilik tunngavigalugu sapaatip akunnerini tallimani katsorsartileruttorpoq.
- Katsorsartinnera ingerlalluarpoq. Ullut tamaasa siuariarlunga misigisimasarpunga, inuit pikkorissut ikiortigalugit, Per Ørum Jørgensen oqarpoq, aammigut 1,3 promillemik 1,4 promillimilu imigassaqarluni biilerluni politiinit tigusaaasoq.
Per Ørum Jørgensenip naalakkersuinikkut sulinera qanoq ingerlassanesoq suli nalunarallarpoq.
- Partip aqutsisuilu suli isumaqatigiissutiginngilarput siunissami qanoq inissisimassanersunga. Katsorsartinnera qitiutippara, siunissamili partiimut iluarqutaanerpaasussaq tunaartaralugu sulissaanga, Per Ørum Jørgensen oqarpoq, sulili aalajanginngilaa tulliani Folketingimut qinigassanngortissanerluni.