Canada
Kostskolimi atornerlugaasimasut totempælimik eqqaaniuserneqartut
Kikissat tusindilikkuutaat meeqqanut tusindilikkuutaanut toqusimasunut eqqaaniutaapput
Ippassaq University of British Colombiami, Vancouverimiittumi totempæli tusindilikkuutaanik kanngussanik kikiattalik eqqaassutissatut inissinneqarpoq.
Kikissat Canadap inoqqaaviisa meerartai naalagaaffiup kostskoliini atuartillutik toqusimasunut tunngatinneqarput. Kikissat kostskolini aninguisimasimasunit, ilaqutaasunit, atuartunit allanillu ikkussunneqarsimapput.
Universiteti tusagassiuutinut taama nalunaaruteqarpoq.
Meeqqat 6.000-it toqusut
Totempæli saammaateqatigiinnermik atserneqarsimasoq, Canadap oqaluttuarisaanerani kanngunartuliaasimasimasoq inunnik indiaanerinullu mamisaataassaaq.
Nunap inoqqaavisa meerartai ukiut hunnorujut sinnerlugit pinngitsaalillugit naalagaaffiup kostskoliini atuartinneqartarsimapput. Tassani meeqqat amerlanersaat naalliutsinneqarsimanngikkunik kinguaassiutitigut innarlerneqarsimallutik. Canadami ilumoornissamik – saammaateqatigiinnermullu ataatsimiititaliarsuata meeqat 6.000-nit atuarfimmiinnerminni toqusimasut nalunaarutiginikuuaa.
- Eqqaassutissap inuit oqaluttuarisaanermik paasisaqarfigineqarnissaa saammaateqatigiinnissarmulli akisussaaffeqarneq atorluarsinnaassagaat neriuutigaara, eqqaassutissamik sanasoq, qisunnik kingartuisartoq indiaanerillu aqutsisuat, James Hart oqarpoq.
Nunap inoqqaavi 'Canadamiunngortinniaraluaraat'
Atuarfimmi atornerlugaasimasut ilaqutaasit, Canadap naalagaaffia eqqartuussivilersuullugu taarsiivigineqarnissamik isumaqatigiissuteqarnerup kinngorna Ilumoornissamik – saammaateqatigiinnermullu ataatsimiititaliarsuup suliaq aallartippaa.
Canadami nunap inoqqaavisa kulturi atuarfeqarfinnit qanoq isilluni nungusaariarsimangaluarneq ataatsimiititaliarsuup saqqummiuteqqammerpaa.
- Atuarfiit avaanngunartuupput. Napasup sananiarnera ajornakusoorsimavoq, kisiannilu nuannarisimavara. Siunissaq qaamasoq pilersinniassagutsigut kingumut qiviarsinnaasariaqarpugut, James Hart oqarpoq.
Atuarfeqarfiit taama ittut 1800-rujukkunni aallartissimapput aatsaallu 1970-ikkunni ikilisarneqalerlutik. Atuarfik kingulleq 1996-imi matuneqarpoq.
Ilumoornissamik – saammaateqatigiinnermullu ataatsimiititaliarsuup inaarutaasumik nalunaarusiani 2015-imi utertippaa.