Kræfteqartut Nuummi illussaannut aningaasaliissuteqarneq
Kræftertunut ilaqutaasunullu Nunatsinni siunnersuisarfissaq, kattuffimmilu illussaq kiisamiqaninnerusumik piviusunngorsinnaalerpoq, 10 millioner koruuninik A. P. Møllerip , nuliatalu Chastine Mc-KinneyMøllers siunertanut tamanut suliniutinut aningaasaateqarfiata aningaasaliissuteqarneratigut.
Naalakkersuisut ukioq manna siusinnerusukkut Inatsisartunit taperserneqarlutik Nuummi Rotary Kollegiet Neriuffiit Kattuffiannut, kræfteqartunik taakkulu ilaqutaannik sullissisartumut tunniunneqassasoq aalajangerput.
Illup isaterneqarnissaanut 1,5 millioner koruuninik aningaasaliisoqarluni.
Neriuffik ’Siunnersuisarfik’-mik taaguuteqartumik ’Kræftimik nappaatillit illuat’-nik sanatitsiniarooq, suliniullu maanna aningaasarpassuarnik aningaasaliiffigineqarpoq.
A.P. Møllerip aningaasaateqarfiami illuliornissamut 10 millioner koruuninik tunissuteqarpoq, Neriuffimmit tusagassiorfitsigut nalunaaruteqarnermi ilisimatitsipput.
Aningaasaateqarfik A.P. Møller Fondenip Nunatsinni kræfteqartunut, ilaatigut sanngiinnerpaaffeqartartunut pitsaanerpaamik siunnersuisarfeqarnissaa pingaarnertut tapersersorpaa.
Siulersuisuni siulittaasup tunissuteqartoqarnera nuannaarutigilluinnarpaa:
- A.P.Møllerikkut aningaasaateqarfimmiit tunniussaat annertuumik alloriartitsisussaavoq Nunatsinni kræftimik eqqugaasut aammalu qanigisaasut annertoqquserneqalermata.
DIN-imut qanittumiissasoq
- Illu nutaavik pisariaqartinneqartoq, tassani qulakkeerneqassaaq ukiut tulliuttut kræfti akiorniarlugu siunnersuisarfissaq nuannaarutaalluarumaartoq. Tassami suliniutip imarisaannut aammalu illutaata ilusilersorneranut atorfissaminut piumasaqaatinullu akuersaarnarumaartoq, taama oqarpoq Elisabeth Lynge Hansen, Neriuffiup Kattuffiani siulittaasoq.
Nuummi illussaq Dronningip Ingridiup Napparsimmavissuanut, Sanamut qanittuaraasussaavoq , tassani Nuna tamakkerlugu suliaritikkiartortut kræfti pillugu siunnersortikkiartorlutik qanittumik ornittagassaqalissallutik.
Neriuffimmit oqaatigineqarpoq, Danmarkimi kræfti akiorniarlugu siunnersuisarfinni Livsrum-inik taaneqartartuni ilisimasat takutikkaat, napparsimavissuit eqqaani siunnersuisarfiit inissinneqaraangamik, kræftimik napparsimasut siusinnerusukkut napparsimanerminni pisariaqartitaminut suliniutinullu peqataanerusartut, taakkununnga ilaalluti napparsimasut amerlasuut sanngiitsut/atugarissaanngitsut.
Danmarkimi Kræftens Bekæmpelsimi pisortaaneq naapertorlugu, Nuummi Kræfteqartut Illuat pinaveersaartitsinernut aamma siusinnerusukkut misissortittarnissanut kiisalu katsorsartinneqartarnerit ataqatigiissinnerulernissaannut suliniuteqarfiussaaq:
- A.P. Møller Fondiminngaanniit taperserneqarnerujussuarput qujamasuutigeqaarput, Kalaallit Nunaanni kræfteqartunut ilaqutaasunullu amerlasuunut iluaqutaasussaammat.
- Kalaallit Nunaanni innuttaasut
kræftilersartut amerlatsikkiartorput aamma Danmarkimut naleqqiullugu agguaqatigiisillugulu
akulikinnerusumik toqqutigineqartarpoq. Taamaattumik pingaaruteqarluinnarpoq kræftimik eqqugaasut atugarisaasa pitsanngorsaavigineqarnissaat, Danmarkimi Kræftens Bekæmpelsemi pisortaaneq Jesper Fisker oqarpoq.
A.P. Møller aningaasaateqarfianeersut saniatigut Knæk Canceriminngaannit, Neriuffiup Kattuffiata katersuiniarneriniit kiisalu Nordatlantiske Pulje-miit suliniut aningaasaliiffigineqartoq, Neriuffimmit ilisimatitsissutigineqarpoq.