Kræftimik nappaatillip Facebook atortarpaa: Ammasuuneq uannut pingaaruteqarpoq
Mia Hougaard Chemnitz Kleistip iviangimigut kræfteqarnerminik paasitinneqarnerminiitpeqqissisimanerminik nalunaaruteqarnissami tungaanut nappaatini Facebookikkutammasumik oqaluttuarisarpaa. Neriuppoq kræfteqarnermik nalorninartuiaassasoq.
Qanittukkut »World Cancer Day« nalliussineqarpoq. Ukiut tamaasa februaarip sisamaani FN-ip nunarsuaq tamakkerlugu kræftimik paasinnittarneq katsorsartinnerlu pillugit ullorititaa.
Mia Hougaard Chemnitz Kleistip tamanna misigissutsimigut killinneqaatigaa, naak iviangimigut kræfteqarluni paasineqarami ukiut arfinillit qaangiutereeraluartut.
Aviisi AG taama allappoq.
- Akunnerit pingasut qiavunga nalullugu sooq, nuannaartuaannartariaqarpungami. Kikkummi tamarmik aniguisanngillat, nunarsuaq tamakkerlugu kræftimut ullorititaq pillugu atuakkaminik tusakkaminillu qisuariarnini taama Miap oqaluttuaraa.
2018-imi arlaleriarluni misigisimavoq iviangimi aappaani allaanerusumik malugisaqarluni. Ukiup affaata missaa qaangiuttoq Sanamut sianerpoq ersiutillu oqaluttuaralugit. Ingerlaannaq piffissamik tunineqarpoq. Nakorsap malugisinnaavaa arlaannik peqartoq, taamaattumillu cellenik peersivigitinnissaanut piffissamik inniminniivoq. Sapaatip-akunneri sisamat qaangiummata Danmarkimit misissuinernit akissutissarsipput. Sanamit sianeramik ilaquttani qaninnerit ilageqqullugit Mia oqarfigineqarpoq.
Aviisimi AG-mi atuarnerusinnaavutit:
