Kujataani anorersuaq sarfaarutsitsillunilu oqarasuaatinik attaveerutsitsivoq
Qaqortumi Narsamilu anorersuaq pissutigalugu sarfaaruttoortoqarlunilu oqarasuaatit attaveeruttut, politiit ilisimatitsipput.
Kalaallit Nunaanni Politiit oqarnerat naapertorlugit, Qaqortumi Narsamilu sisamanngornermi ullaap tungaani anorersuaq pissutigalugu sarfaarullunilu oqarasuaatit attaveerupput.
Politiit Facebookimi taama allapput.
Aammattaaq Kujataani suliffeqarfiit sanaartorfimminni isumannaallisaaqqullugit politiit piumasaqarput:
- Maanna anorlilersimagami teqqartoqangaatsiarpoq, ilaatigut inunnik ulorianartorsiortitsisunik.
- Inuit piumaffigissavagut pigisatik qajannaarsoqqullugit. Aammattaaq umiatsiaatillit piumaffigineqarput umiatsiatik nakkutigeqqullugit, aporaannissaat, avalannissaat kivinissaalluunnit pinaveersaartinniarlugu.
Kujataani nuissertarlunilu qulisimassasoq DMI-p silamut ilimasaarutaani oqaatigineqarpoq, piffissallu ilaanni nittaallertarlunilu imaliliortassaaq, kiisalu kangianit kujasik kangisimmillu anorersuannguuttartumik anorsarissaaq, sumiiffiillu ilaanni sakkortuumik anoraasuartassalluni.
Unnuap ingerlanerani anorikilliartulissaaq.