Kunngikkormiu ernisuppoq

Tuluit Nunaani prins Williamip nulia naartusoq, hertuginde Kate, ernisulerpoq Londonimilu napparsimmavimmut unitsinneqarluni, tassani qitornartaassani siulleq erniarissallugu, kunngikkormiut nalunaarput.
Hertuginde af Cambridge 31-nik ukiulik naartusoq ataasinngormat ullaakkut napparsimmaviliaanneqarpoq, tassani tusagassiortorpassuit saapaatit akunnerini arlalinni takkunnissaa utaqqereersimallugu.
– Ernisulaalerpoq, kunngikkormiut tusagassiorfinnut nalunaarutikkut allapput.
– Hertuginde Kensington Palace-mit St Mary´s Hospital-imukaanneqarpoq. Suut tamarmik nalinginnaasumik pipput. Pinartoqarnera pissutigalugu unitsinneqanngilaq, Kensington Palace-mit nalunaarutigienqarpoq.
Kunngikkormiuni tusarfiit oqarput Kate nalinginnaasumik erniniartoq William saniliminiitillugu.
Aviisit arlallit isumaliutersuutigisimavaat Katep qataanngutaa arnaq Pippa arnaalu Carole Middleton erninermi aamma najuutissanersut.
Kate London-imi klinik-imi St Mary´s Hospitalimi immikkoortumi namminersortumi ernisarfimmi unitsinneqarpoq. Tassani aamma prinsesse Diana-galuup ataatanngortussaq qatanngutaalu Harry, erniarai.
31-nik ukiullip William-ip hertuginde af Cambridge-llu ernerat panialluunniit tuluit kunngissaasa pingajorissavaat tulleralugit aatani prins Charles angunnilu.
Inatsisip allannguutissaatut siunnersuutiginiakkakkut erniusoq Cambridge-mi prinsesse-ngussagaluarpalluunniit oqaluttuarisaanermi siullermeersumik kunngissat pingajussaattut aqqaluartaassaguni aqqalussaminit qaangerneqarsinnaanngilaq.
Ernisussiortuuvoq gynækolog Marcus Setchell.
Ukiuni untritilikkaani arlalinni tuluit kunngissartaassapput tamakkiisumik kunngikkormiuunngitsumik, Kate ilaqutariinnit inuinnarnersuummat.
Kate Williamilu naapipput ilinniartuugallaramilli, ukiorpaalunni peerariissimapput 2011-milu apriilip 29-anni katillutik, taaguuteqalerlutik Cambridge-mi hertugikkut.