Kunngikkormiut: Prins Henrik puigortunngoqqavoq

Prins Henrik puigortunngoqqavoq, tamatuma ilaatigut iliuusaa aamma aalajangersinnaanera sunnersinnaavaa.

Dronning Margrethep nutaarsiassaq ''iluunngarluni ugguarluni Hofmarkall nalunaaruteqaqqunerata'' kingorna, kunngikkormiut tusagassiuutinut nalunaarummi taama ilisimatitsipput.

- Sivisuumik nassuiaatissarsiornerup ilagisaanik aamma kingullermik ukiassariartulernerani Rigshospitalimi ilisimasallit misissuinerminni inerniliuppaat, Kunngikkormiutut Ataqqinassusilik Prins Henrik puigortunngorsimasoq, allaqqavoq.

Prinsip paasinnissinnaanera annikilleqqaneranik, puigortunngorneranik paasinninneq isumaqarpoq, ilanngullugu oqaatigineqarpoq.

Nappaataataata suussusersinerata kinguneranik prins Henriup suliani annikillisissavai, tusagassiuutinut nalunaarummi allaqqavoq.

Aammattaaq illersugaanermut aamma ataqqinaatitut atuuffianut aalajangiisoqassaaq.

- Prins pissutsit pisariaqartitaat naapertorlugit eqqissisimatinneqassasoq, droninngip ilaqutariillu kunngikkormiut kissaatigaat, tamanna kunngikkormiut tusagassiuutinut nalunaarutaanni ilanngunneqarpoq.

Prins Henriup kunngikkormiuni atuuffini naammagisimaarsimanngilaa, droninngillu eqqaani ilisaarusunnani.

/ritzau/