Kunngissap nulia Mary Nuutoqqami eqqakkanik katersisoq
Kunngissap nuliata Maryp Nuummi tikeraarnermini suliaa siulleq tassaavoq atuareernerup kingorna ornittakkamiittut meeqqat peqatigalugit Nuutoqqami eqqakkanik katersineq.
Sialuk anorilu, silalu nillataarluni 5 gradennarnik kiakkaluartoq, Kunngissap nuliata Maryp uniffiginagu Nuutoqqami marlunngorneq ualilersoq eqqakkanik katersivoq.
Atuareernerup kingorna ornittakkamiittut meeqqat 15-it missaat Kunngissap nulia Mary peqatigalugu Sassuma Arnaata eqqaassutissaata tungaanukaarlutik eqqakkanik katersipput. Sammisaqartitsineq WWF Kalaallit Nunaannit aaqqissuunneqarpoq. Kunngissap nulia Mary WWF Danmarkimi præsidentiuvoq, nunatsinnilu tikeraarnermini avatangiisip pinngortitallu minguitsuunissaanik siunertaqarnini oqariartuutigaa.
Nuutoqqap tungaanut ingerlaarnerminni kunngissap nuliata Maryp paasiumaa Kommuneqarfik Sermersuumi innuttaasut avatangiisip mingutsinnginnissaannut soqutiginninnerat piffissami kingullermi annertunerulersimanersoq. Kommunimi borgmester Avaaraq S. Olsen akivoq innuttaasut piujuaannartitsinissamik mingutsitsinnginnissamillu anguniagaqartut amerlanerulersimasut, kommunillu eqqakkat immikkoortiterneqartarnissaanut suliniutai aamma ingerlasut.
Meeqqat pissangalluinnartut
Meeqqat pissangalluinnarsimasut kunngissap nulia Mary saleeqatigitigalugu qallunaatut tuluttullu oqaloqatigillattaavaat.
Aaqqatit plastikkiusut eqqaavillu puussaat atorlugit eqqakkat katersorneqarput, Hans Egedellu illuani misissorneqarlutillu immikkoortiterneqarput..
Pisumit assit allaaserisap qulaani takusinnaavatit.
Kunngissap nulia Mary pingasunngornermi ataatsimeersuarnermi ”Sammen om sorgen”-imi aamma UNLEASH Greenlandimi aamma peqataassaaq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...