Kuupik Norgemut qaaqqusaavoq
Naalakkersuisut siulittaasuata Kuupik Kleistip annertussusileriigaanngitsumik CO2-mik aniatitsinissaq pillugu qallunaat-kalaallit isumaqatiginninniarnerata angusaqarfiujartulernera nuannaarutigaa. Norgep misilittakkani Kalaallit Nunaannut tunniukkusuppai.
Kalaallit Nunaat, immaqalu aamma Savalimmiut ilagalugu, silap pissusai pillugit isumaqatigiissutissamut sunniuteqassapput, nunat taakku marluullutik tamarmik massakkut CO2-mik aniatitaminnik appaajumassuseqarlutillu siunissami aatsitassarsiorlutillu suliffissuarnik pilersitsinissaminnut pituttoreersimajumannginnamik.
– Qallunaat-kalaallit isumaqatiginninniarnerisa angusaqarfiulernerat nuannaarutigaara, aamma isummagut tusaaniarneqarmata, Kuupik Kleist Bella Centerimi Københavnimiittumi ataatsimiinnerup kingorna oqarpoq.
Kalaallit Nunaata aningaasatigut namminiilerusunnera eqqarsaatigalugu Københavnimi naapertuilluartumik isumaqatigiissuteqarnissaq kissaatigaa.
Nunanut allanut ministerip Per Stig Møllerip (K) isumaqatigiinniarnerit massakkut ingerlasut oqaaseqarfigiumanngilai.
Kalaallit Nunaatali aatsitassat, sermip aanneratigut tikinneqarsinnaalersussat iluaqutiginerisigut isertitaqarsinnaajumanera tupinnannginnerarpaa.
– Silap pissusaasigut ajornartoortoqarnera pissutogalugu oqartoqassanngilaq kalaallit isumalluutitik iluaqutigissanngikkaat, oqarpoq.
Kuupik KLeist oqarpoq, Kalaallit Nunaata nammineq aamma issittuni avatangiisit mianernartut qajassuukkusukkai, taamaattorli aamma aningaasatigut imminut napatissinnaanngornissaq eqarsaatigisariaqaraa. Tamatumalu nunat tamat akornanni piumasaqaatit sakkortunerpaat tunngavigalugit pinissaa kissaatigaa.
Norgemi nunanut allanut miniateri Jonas Gahr Støre pqarpoq, Kuupik Kleist Norgemut tikeraarsarsimagini, norgemiut Nordsøenimi uulimik nassaartoqarmat misilittagaat nammineerluni paasisaqarfiginiassammagit.
ATUARUK ALLAASERISAQ: Issittuni ilisimatusarnissaq soqutigineqaqaaq
– Tassanili immikkut ittumik isumaqatigiissuteqassanngilaq. Isumaqatigiinniarnerit iluatsinnissaat Norgep kissaatigaa. Sapinngisatsinnik iliuuseqassaagut, massakkut taamaaluornissamut piffissaammat, Støre oqarpoq.