Kuupik: Oqaaseqarnianngilanga
Naalakkersuisut siulittaasuata Kuupik Kleistip marsip 12-ani Inatsisartunut qinersisoqarnissaanik tusatsiakkat eqqornersut oqaaseqarfiginianngilaa
Demokraterne, Kattusseqatigiit Partiiat Siumullu marsimi Inatsisartunut qinersisoqarnissaanut tamakkiisumik piareersimallutik nalunaartut pineqartup naalakkersuisup siulittaasuata Kuupik Kleistip Inuit Ataqatigiinnersup ullumikkut qinersilernermik tusatsiakkat oqaaseqarfiginianngilai.
Sermitsiaq.AG’p tusatsiagai tutsuiginartut naapertorlugit Kuupik Kleistip aqagu sisamanngornermi qinersisoqarnissaa nalunaarutigisussaavaa.
Læs ”Skal vi til valg 12. marts?”
Læs ”Aleqa: Siumut er klar til valg”
Læs ”Partii Inuit er også klar til Inatsisartut”
Sisamanngorpat qinersinissamik nalunaartoqassappat tamanna siusinnerpaamik pisinnaavoq marlunngornermi marsip 12-ani, qinersineq minnerpaamik qinersinissamut sapaatit akunneri tallimat qaangiunnerisiut ingerlanneqartussaammat marlunngornerusussaallunilu.
Taamaallaat Atassut marsip 12-ani Inatsisartunut qinersinissamut tamakkiisumik piariinngilaq, partiimi siulittaasup Gerhardt Petersenip nassuerutigaa.
Inatsisartunut qinersineq kingusinnerpaamik juunip 2-ani ingerlanneqassaaq maannakkut qinersivik naappat.
Upernaakkut ataatimiinneq aallartissaaq tallimanngornermi marsip 8-ani, nalungeqanngitsutullu kommunalbestyrelsenut, nunaqarfiit aqutsisuinut ilagiillu sinniisaannut apriilip 2-ani qinersisoqassaaq.
Læs ”Demokraterne: Vi er altid klar til valg”