Kuupik pissaaneqarnerpaat ilagaat

Naalakkersuisut siulittaasuat Kuupik Kleist IA-meersoq pissaanilissuit akornanniittutut taaneqarpoq.

Ullaaq manna aallakaatitassiami Go’ Morgen Danmarkimi Dagbladet Politikenip nunanut allanut tunngatillugu aaqqissuisuata Michael Jarlnerip nalilerpaa nunarsuarmi siuttut sorliit Danmarkimi sunniuteqarnerpaanersut.

Pissaaneqarnerpaatut toqqarneqarpoq Tysklandimi kansleri Angela Merkel. Michael Jarlneri naapertorlugu tullersortigaa USA-p præsidentia Barack Obama Frankrigemilu præsidenti François Hollande.

Juukeritulli Michael Jarlnerip nunatta siuttua taavaa.

- Kalaallit Nunaat pingaarutilipilussuuvoq. Danmarkip maannakkorpiaq nunarsuarmioqatigiinnit soqutigineqarnera peqquteqarpoq Kalaallit Nunaata soqutigineqaleriartornera, Michael Jarlner oqarpoq.

Go’ Morgen Danmarkimi tulleriiaarinerup peqqutigaa Kinami præsidentinngortussaq Xi Jinping Kinami naalagaalersussaq. Kinallu Kalaallit Nunaannik soqutigisaqarneratigut Kuupik Kelist qaffasissumi inissisimalersimavoq.

- Kuupik Kleist aamma Xi Jinping arlalitsigut assigiinnik soqutigisaqarput, Michael Jarlner naqissusiivoq.

Aallakaatitaq takuuk uani.