Lars-Emilip Aleqa illersorpaa
Naalakkersuisut siulittaasorisimasaata Lars-Emil Johansenip Siumup siulittaasua Aleqa Hammond illersorpaa, oqarlunili Greengemsimut tunngasumik oqaaseqartariaqarsimanngikkaluartoq
- Oqaaseqartinnani oqaatiginiakkanik ilisimasaqarnissaq pitsaasuujuaannarpoq - pingaartumik politikkikkut aqutsisuugaanni.
Taama naalakkersuisut siulittaasorisimasaat Lars-Emil Johansen, Siumut, Sermitsiaq.AG-mut oqarpoq, Aleqa Hammond Facebookimini suliffeqarfik Greengems pillugu nutarterinerminut atatillugu ulluni kingullerni politikkikkut assoralisimaareersorlu.
Læs "Aleqa: Korrekt at kritisere mig"
Kukkunerli pereersorli Siumup siulittaasuata Aleqa Hammondip pisoq eqqortumik iliuuseqarfigaa:
Menneskeligt at fejle
- Inuppalaartuuvoq, kukkusarnerlu inuppalaarneruvoq, kisianni ajuusaarutiginninnermigut eqqortumik iliorpoq, Lars-Emil Johansen oqarpoq nangillunilu:
- Kisianni soorunami tamanna pinngitsoorsimasariaqaraluarpaa, naalakkersuisut siulittaasorisimasaat poqarpoq.
Taamattumik oqarpoq Aleqa Hammond Naalakkersuisut siulittaasuattut Kuupik Kleistimut taarsiullugu periarfissatut suli piukkunnaateqarluartuusoq, tamannami Han fastslår derfor, at Aleqa Hammond fortsat er et velegnet alternativ til Kuupik Kleist som formand for Naalakkersuisut, tamannami politikkikkut malinnaasumit Jakob Janussenimit apeqquserneqarmat.
Læs "Manglende omtanke kan koste dyrt"
Læs "Siumut-borgmestre: Det må ikke ske igen"
Lars-Emil Johansenip tassa Aleqa Hammond illersorpaa kukkussutiminik nassuerutiginnimmat ajuusaarmallu. Tamannalu ilinniartitaanermut ilisimatusarnermullu naalakkersuisup Palle Christiansenip, Demokraatit, ilinniarfigisinnaagaluarpaa, isumaqarpoq.
Palle Christiansen sapaatip-akunnerani kingullermi taamatuttaaq Facebookimi imminut malugitippoq oqarluni inuusuttut ilinniarluarsimasut Siumumik taasisanngitsut - taamatullu oqaaseqarneq utoqqatsissutigineqartariaqarpoq, Lars-Emil Johansen isumaqarpoq.
Læs "Palle: Unge, veluddannede stemmer ikke på Siumut"
Læs "Splittelse i Demokraterne efter 'drilleri'"
- Tamannami asuli oqalunneruvoq, nunatsinni ilinniagaqarneq pillugu Siumut annertunerpaamik iliuuseqarsimavoq, oqarpoq nangillunilu:
- Uppernarsaatissaqaranilu taamaattoqarneranik oqaaseqaraanni tamanna isumaqassaaq taassuma naalakkersuisunut ilaasortaanissamut ilumut piukkunnassuseqarnera apeqquserneqartariaqartoq, oqaatigisanimi tunuartinniarpasinnagillu utoqqatserusuppasinngilaq, Lars-Emil Johansen oqarpoq.
Nunatsinni politikkikkut ingerlatsinermut alaatsinaatsutut naalakkersuisut siulittaasorisimasaat inuttarsiuinani tunngavissaqarluartunik isiginninniartoqarnissaanik ujartuivoq.