Lars-Emilip Taiwanip aallartitaa naapippaa
Folketingimi politikerip Taiwanip aallartitaa pingasunngornermi ataatsimeeqatigaa Kalaallit Nunaatalu namminersulernissaanut aqqutaa oqaluuseralugu.
Taiwanip aallartitaaniit Charles Liu-mit saaffigineqarnerup Lars-Emil Johansenip aallartitaq Folketingimi ilisimatitseqatigiinnertalimmik ataatsimeeqatigaa. Taakku paasivaat, inissisimaffinni arlalinni inissisimaffiit pingaartumik nunat tamak akornanni pissutsinut tunngasuni Taiwanip Kalaallit Nunaatalu inissisimaneri assigiissuteqartut, aammalu taamaattumik nunat taakku marluk tamarmik immikkut ineriarornermikkut ingerlaavartumik ilinniarfigeqatigiittarnissartik iluaqutigisinnaagaat.
Charles Liu-p taamaalilluni Kalaallit Nunaannut piaartumik tikeraarnissani kissaatigaa, aammalu Kalaallit Nunaata namminersulernissamut aqqutaanut eqqarsaatersuutaasimasut pillugit tusagaqarusuttorujussuulluni, taamak Hans-Jakob Helms, Lars-Emil Johansenip assistentia ilisimatitsivoq.