Mads Sisimiunukarpoq
Juliep Allstarsiani appittartup aalla Mads Lumholt Sisimiunukarpoq neriuutigalugu sisamanngorpat Københavnimut ingerlaqqinnissani.
Mads Lumholt Greenland Tourismimilu suleqatini Nuummiit Arctic Boat Charterimik Sisimiunukarput.
- Air Greenlandip nalunaarfigisimavaatigut sisamanngorpat nalunaaqutaq qulit missaanni Dash-7-imik Sisimiuniit Kangerlussualirsinnaasugut, Mads Lumholt oqaluttuarpoq.
Suli ilisimaneqanngilaq Kangerlussuarmiit Københavnimut timmisartuussisoqassanersoq.
- Tallimanngorpat Allstars-imi aallakaatitat aappassaat angumererusuttorujussuvara, angumerisinnaanngikkukkuli uggornaannassaaq. Piginnaanilimmik Tupaarnamik taartissarsisimapput taamaattumik eqqissisimavunga, Mads Lumholt oqarpoq.
Ingerlatsivik Arctic Boat Charter Sisimiuniit Nuummut utissaaq sisamanngorpat 10.30 missaani, sulilu inissaqartoq Erik Palo Jacobsen, ABC-meersoq, paasissutissiivoq.
- Kangerlussuarmit timmisartoq utaqqivarput Nuummut ilaasoqarniassagatta, taanna oqarpoq.