Malunnartitsinermi qilaatersornermik takutitsineq
Ilitsoqqussaralugu oqaatsit ulluat sisamanngornermi ullumi nunani assigiinngitsuni malunnartinneqarpoq, Qaqortumi ilaatigut qilaatersortunik takutitsisoqassaaq
Unescop oqaatsit ilitsoqqussat ullorititaat, nunarsuarmi malunnartinneqarpoq. Nuummi Oqaasileriffik aaqqissuisoralugu, Ilimmarfimmi kalaallisut oqaatsigut pillugit saqqummiisoqassaaq, kiisalu kalaallit filmiliortartut filmiliortarnitik aamma saqqummiissallutik. Ilaatigut Malik Kleist Tumit Produtionimeersoq saqqummiissaaq.
Oqaatsit ilitsoqqussaralugu ulluat Qaqortumi Niuernermik Ilinniarfimmi aamma malunnartinneqassaaq. Malunnartitsinermi saqqummiisoqarlunilu aliikkusersuisoqassalluni. Atuarfiup ilinniartui qilaatersorlutik takutitsissapput. Ilaatigut aamma kalaallisut atuakkiornermi saqqummersitsiniartarneq sooq taama ajornartiginersoq saqqummiisoqassalluni.
Nalunaaqutaq 19.00 Niuernermut Ilinniarfimmi aaqqissuineq aallartissaaq, 22.00-imilu naammassissalluni