Marluk toqutsisimasutut pasineqartut
Aasianni Eqqartuussivimmi inatsisit tunngaviusut malillugit killisiuisoqarnerani inuit marluk ulluni 13-ini 26-nilu tigummigallagassanngortitaapput
Aasianni arfininngornermi ullaakkut marlunnik toqusoqarnerata kingorna inuit marluk Aasianni politiinit tigusarineqartut sapaammi Aasianni Eqqartuussivimmut sassartinneqarput.
Inuit taakkua marluk ulluni 13-ini 26-nilu eqqartuussisumit tigummigallagassanngortitaapput. Taakkua arfininngornermi ullaakkut inuit marluk toqunerannut atatillugu savimmik kapisinikkut toqutsisutut pasineqartu, KNR paasissutissiivoq.
Suliaq matoqqasumik ingerlanneqarmat politiit paasiniaarneranni tigummigallarneqartut kikkuussusaat pillugu innuttaasut ilisimatinneqarsinnaanngillat.
Læs "Tavshed efter to dødsfald"
Læs "To mænd er døde - to er anholdt"
Aasianni politiit arfininngornermi imminut toquttoqarsimaneranik isikkoqaqqaaraluartumut aggersarneqarput, sivitsunngitsorlu illoqarfimmi sumiiffimmi allami paggittoqarneranut aggersarneqarlutik. Tassani angut ilisimajunnaaqqasoq siumoorpaat, taannalu sivitsunngitsoq toqoreersimasoq nalunaarutigineqarluni. Tamatumunnga atatillugu inuit marluk toqutsisimasutut maanna pasineqalersut Aasianni politiinit tigusarineqarput.