Meeqqat Danmark-imiit angerlarsinnaanngitsut
Meeqqat kalaallit silaannaap arsakoqarnera pissutigalugu Fredericia-mi qanittuinilu utaqqiinnarallassasut, Vejle Amts Folkeblad nalunaarpoq
Nunatta Danmarkillu akornanni Air Greenland-ip timmisartuussinissaraluaminik unitsitsiinnarnera pissutigalugu, ukioq manna kalaallit atuartut Fredericia-mi kommuninilu qanittuini angerlarnissaminnut utaqqiinnarallassapput. Ajornartorsiuteqarneq pissutigalugu Kalaallit Nunaannut ataatsimiititap siulittaasua, John Bech Hansen sapaatiummat unnukkut Air Greenland-imiit atassuteqarfigineqartoq, Vejle Amts Folkeblad nalunaarpoq.
Silaannaap arsakoqarunnaarnissaa meeqqat København-iliarlutik siullermik utaqqisussanngoraluarpaat. Air Greenland-illi angallassisinnaalernissaa utaqqillugu meeqqat angajoqqaarsiaminniiginnarallarnissaat unnuakkut aalajangerneqarpoq.
- Qaqugu angerlarsinnaassanersut suli naluarput, angajoqqaarsiaasulli paasinnilluaqaat. Tamarmik meeqqat angerlarnissaasa tunganut inisimasoriinnarusuppaat, John Bech Hansen aviisimut oqarpoq.
Nutserisoq Ulf Fleischer