Meeqqat pillugit isumalioqatigiittartut
Meeqqat atugaannik immikkut ilisimasallit Kommuneqarfik Sermersuup meeqqanut iliussai isummersorgigisalissavaat.
Borgmester Asii Chemnitz Narup, INuit Ataqatigiit, siunnersuisoqarfimmik pituttorsimanngitsumik, kommuneqarfimmi meeqqat inuusuttullu atugaasa pitsanngorsarneqarnissaat pillugu naliliisartussanik pilersitsivoq.
– Siunnersuisoqatigiinni ilaasortat FN-ip meeqqanut angerfifeqatigiissutai meeqqallu pisinnaatitaaffii tunngavigalugit meeqqat inuunerminni atugaannik nukittorsaallutalu inerisaanitsinni ikiussavaatigut aamma nunatsinni kulturikkut sorlaqarfigut tunngavigisagullu ataqqillugit meeqqanut ilaqutariinnullu politikerput tunaartaralugu, Asii Chemnitz Narup Nuuk Ugeavisimut oqarpoq.
Siunnersuisoqatigiit nutaat, ukiumut ataasiarlutikataatsimiittartussat, siullermeerlutik pingasunngornermi februaarip 24-anni ataatsimiipput.
Siunnersuisoqatigiit piffissaq qinigaaffik naallugu atasussat tassaapput: Karl Kristian Olsen, KIIIN, Namminersorlutik Oqartussat, Birgit Niclasen, Peqqinnissamut Naalakkersuisoqarfik, Namminersorlutik Oqartussat, Charlotte Guldberg, forstander, Skodsborg Observationscenter, Danmark, Leena Evic, pisorrtaq, Pirurvik Center, Nunavut, Canada.
– Tamarmik immikkut sulinerminni meeqqat inuussuttullu inuunerat, atugaat pisinnaatitaaffiilu pillugit aalajangersimasunik isiginnittaaseqarput, Asii Chemnitz Narup oqarpoq.