Meerartavut perorsaruminaatsut aallartittarpavut
Kalaallit meeqqat perorsaruminaatsut 14-it Danmarkimut aallartinneqarsimapput. Nunatsinni isumagineqarnissaat artorneqarmat
Meeqqat inuusuttullu isumaginninnermi atugarliortut isumaginissaat nunatta artorpaa. Taama meeqqat angerlarsimaffianni katsorsaaviusumi Meeqqat Illuanni pisortaq Torben Alne KNR Radioaviisimut oqarpoq.
Isumaginninnissaq ima artornartigaaq meeqqat inuunermit ilisimasaannit ungasissorsuarmut aallartinneqartarlutik, tassalu Danmarkimut.
Meeqqat inuusuttullu 14-it maannakkorpiaq Danmarkimi inissinneqarsimapput, kiisalu meeqqat inuusuttullu 24-t ulloq unnuarlu angerlarsimaffimmut inissinneqarnissamut utaqqisuniitinneqarlutik.
Læs også: Grønland får ny døgninstitution
Læs også: Minister brænder for grønlandske børn
- Oqartussanut naalassinnaanermik amigaateqarput. Inersimasut aamma meeraqatimik inuiaqatigiillu qanoq isumaqarnerat soqutigisanngilaat. Namminneq piumasaminnik iliortarput. Oqartariaqarunarpunga ukiuni kingullerni 10-15-ini meeqqanut tigummisatsinnut atatillugu suliassavut annertusiartortuarmata, Torben Alne radioavisimut oqarpoq.
Taanna isumaqarpoq Kalaallit Nunaat ilungersunartumik inissisimaffeqartoq, ilaatigut suliassaqarfiup iluani sulisussanik ilinniarsimasunik amigaateqarnerujussuaq pissutigalugu. Tamatumani perorsaasut ukioqatigiiaanut kiisalu ulloq unnuarlu angerlarsimaffeqarnermut tunngasunik ilinniagaqarsimasut pisariaqarput.