Mikivsuk spiralilersuisimaneq pillugu: Nassuiaasiornermi Danmark aqutsisuussannginnera pingaaruteqarpoq
Spiralilersuisimaneq pillugu Danmarkip nunattalu ataatsimoorussamik nassuiaasiorneranni danskit aqutsisuussanngillat. IA-mi oqaaseqartartoq taama isumaqarpoq.
![Mikivsuk spiralilersuisimaneq pillugu: Nassuiaasiornermi Danmark aqutsisuussannginnera pingaaruteqarpoq](https://image.sermitsiaq.ag/174343.webp?imageId=174343&width=960&height=518&format=jpg)
Danmark aamma Kalaallit Nunaat spiralilersuisoqarsimaneranut tunngatillugu naartunaveersaatinullu tunngatillugu periusissianut allaasinnaasunut tunngatillugu nassuiaasiornissamut isumaqatigiissuteqarput. Nassuiaasiorneq arlaannaannulluunniit attuumassuteqanngitsunit ingerlanneqassaaq.
Nassuiaasiortoqarnissaa IA-mi oqaaseqartartup Mikivsuk Thomassenip nuannaarutigaa. Nassuiaasiortoqarneranili iliuusissamik piumasaqarpoq:
- Kissaatigilluinnarparput danskit naalagaaffiat nassuiaasiornermi aqutsisuussanngitsoq. Nuannerpoq nunat marluullutik peqatigiillutik arlaannaannulluunniit attuumassuteqanngitsunik qulaajaatitsilermata. Nassuiaasiornermili sulinermi nunat naligiilluinnartinneqarlutik peqataatinneqarnissaat kissaatigineqarpoq, Mikivsuk Thomassen Sermitsiaq.AG-mut oqarpoq.
Ersarissuliorneq peqataatitsinerlu
Spiralilersuisimaneq naartunaveersaatinillu allanik atuinissamut periuseqartitsineq 1960-ikkunniit 1991-ip tungaanut piffissalerlugu, qulaajaaffigineqarnissaanut tunngatillugu Inatsisartut piumasaqarnertik naammassillugu 2. juni ataatsimiissutigaat. IA-mi oqaaseqartartoq oqallinnermi oqaaseqarami oqarpoq IA-p kissaatigigaa Danmark qulaajaanermi peqataatinneqassanngitsoq. Isumaqatigiinnerli naaperiutitaqartoq maanna anguneqarpoq, qulaajaanermi Danmark nunarpullu peqataassasut.
- Pingaaruteqarluinnarpoq erseqqissassallugu arlaannaannulluunniit attuumassuteqanngitsut qulaajaasinneqarnissaat pisariaqarmat, oqarpoq.
Kikkut akisussaappat
1960-ikkut qiteqqunneraniit 1970-ikkut qiteqqunnerannut arnat niviarsiaqqallu ammut 13-it tikillugit ukiullit spiralilersorneqarsimapput. Ilaat akuersisimanngikkaluarpataluunniit. Tunngavilersuutinut ilaatinneqarpoq nunatsinni ernisartut ikilisinneqarnissaat.
Mikivsuk Thomassenip neriuutigaa arnat naartunaveersaasersorneqarnerannut tunngavilersuutaasimasut qulaajaanermi paasineqassasut.
- Pingaaruteqarluinnarpoq paasissallugu suut tunngavilersuutaasimanersut, kikkullu akisussaanersut. Kiap aalajangingaraa, aamma sooq? Aamma pingaaruteqarpoq paasissallugu naartunaveersaatit allat taamatulli atorneqarsimanersut, Sermitsiaq.AG-mut oqarpoq.
Læs hele sagen:
-
Staten tog min mødom
-
Spiral-kampagne var folkemord
-
Uhyggelig og skamfuld
-
Svært for regeringen at komme udenom spiral-sagen
-
Vi må afdække krænkelser af menneskerettigheder
-
Naalakkersuisut tager afstand fra Spiralkampagnen
-
Grønland bør selv stå for efterforskningen af spiral-sag
-
Start arbejdet med at udrede spiralkampagnen
-
Spiralilersuisarsimaneq pillugu nassuiaasoqarnissaanik suliaq aallartilli
-
Inatsisartut ønsker undersøgelse af spiralsag