Mimi meeqqat toqusut pillugit: Allatuulli aamma misissorneqarput

Peqatigiiffik MAPI-p nunatsinni peqqinnissaqarfik sullarlunnerarlugu taavaa. Piffissaq kingulleq MAPI-p meeqqat arlallit Danmarkimut nakorsiartillugit ikiorsimavai.

Aammali meeqqat marluk, ataaseq inorlugu ukioqartut peqatigiiffimmit nakorsarneqanngitsoornerminnit toqquteqarsimasorineqarput. Taama pisoqareernerani MAPI peqqissutsimut naalakkersuisumut Mimi Karlsenimut ammasumik allagaqarpoq.

Peqqissutsimut Naalakkersuisup Mimi Karlsenip erseqqissarpaa toqusoqartillugu peqqinnissaqarfiup toqusumik misissuisartoq. Suleriuserlu tamanna aamma pisumi malinneqarsimasoq.

Naalakkersuisoq for Sundhed, Mimi Karlsen, fortæller, at hun har holdt møde med foreningen MAPI, og at hun allerede er i gang med at undersøge muligheder for forbedringer i sundhedsvæsenet, i særdeleshed børneområdet.

- Meeqqat nakorsarneqartarnerannut tunngatillugu pitsaanerusumik aaqqiissuteqarnissamut soorunami nalilersuissaagut. Tassani sulianik ilisimasallit peqatigineqassapput, aaqqiissutissat tulluartut nassaariniarlugit, Mimi Karlsen Sermitsiaq.AG-mut oqarpoq.

Aningaasanut inatsisissami tullermi aningaasat nassaarineqassapput

Aaqqiissutissat qanoq ittuussanersut suli oqaatigisinnaanagit ilisimatitsivoq, periarfissanik misissuineq suli naammassinngimmat.

- Nalilersuinerit qaqugu naammassissappat aaqqiissutissanut tunngasut?

- Tassunga tunngatillugu immikkut aningaasaliisoqarsimanngimmat aningaasanut inatsisissami tullermi aningaasassat nassaarineqartariaqarput.

- Naalakkersuisoqarfiit aningaasanut inatsimmiit aningaasanik amerlanerpaanik immikkoorsiffigineqartarmat, sooq pingaarnersiuineq maanna allanngortinnianngiliuk nalilersuinissaq maanna aallartikkumallugu?

- Soorunami taamaaliornissannut periarfissaqarpunga. Kisianni pingaartippara immikkut ilisimasallit peqatigalugit nalilersuinissaq ingerlatissallugu. Aaqqiissutissallu pillugit oqaloqatiginninnerit piffissami qaninnermi aallartisarneqassapput, Mimi Karlsen oqarpoq.

Sulisoqarneq misissorneqassaaq

Peqatigiiffik MAPI ammasumik allagaqarnermini piumasaraa peqqinnissaqarfimmi meeqqanut immikkoortortaqarfimmi meeqqanut nakorsamik nakorsaaninngortitsisoqassasoq aqutsisussamik. Naalakkersuisup taama piumasaqarneq oqaaseqarfigiumanngilaa, erseqqissarluguli nakorsartinnissamut periarfissat sulisoqarnerlu piffissami qaninnermi nalilersorneqarluni aallartinneqassasoq.

Meeqqanut immikkoortortaqarfimmi nakorsaq nakorsaasersuinermut immikkut ilisimasalik ullumikkut nakorsaanertut atorfeqartinneqarpoq, meeqqanulli nakorsamik aamma atorfinitsitsisoqarsimalluni.

Peqqissutsimut naalakkersuisoqarfimmit aamma misissorneqarpoq meeqqat amerluuteqartut pitsaanerusumik nakorsiartinneqartarnissaanut suut iliuuserineqarsinnaanersut aammalu telemedicin atorlugu nakorsiartitsisarneq.