Minik pillugu filmi piviusulersaarut
Filmip piviusulersaarutip »Prize of the Pole«-p ilisimasassarsiortup Robert Pearyp qalasersuarmik avannarlermik anguseqqaarniaraluarnerata ajunngitsuinnaannginnera takutippaa. Inugghuit arfinillit New Yorkiliaanneqarput, akilersillunilu takusassiarineqarlutik - ataaseq toqoreernermi kingorna. Filmi aqagu Århusimi takutinneqassaaq.
Minik, amerikamiut Mene-ertugaat, pisuumit Wiliam Wallacemit meerarsiartaarineqarpoq. Asanninnerali ima angitigisimanngilaq, allaat William Wallacep Miniup angutaata toqoreersup timaa katersugaasivimmut American Museum Of Naturalhistory-mut tunisimallugu. Minik, tuluttut atuarlunilu oqalussinnaalersimasup ataatami Qisuup aqqa katersugaasivimmiitilluni ajuallaatigeqisaminik takuaa.
Misigissutsillumi assigiinngitsut atorlugit kalaallip Robert Peary ll-p, ilisimasassarsiortup erngutaata, aatami aqqa maanna atorpaa. ?Taanna filmimi »The prize of the Pole«-mi inuttaavoq, aatamilu iliuusai isumakkeerfiginiarlugit.
Minik Wallace nunaminut uterpoq, USA-lu " inuit nillertunik uummatillit nunaat kiattoq" qimallugu. Inuunini naggaserpaa orpippassuarni sulilluni, pualluummillu toqquteqarluni. Filmip ilitsersuisua Staffan Julén aqagu filmip Århusimi Kalaallit Illuanni nal. 19.00 takutinneqalerpat peqataassaaq. Filmerneq oqalugiarnermik naggaserneqassaaq, Jyllandsposten allappoq.