Ministerit Ilulissani ataatsimiilersut
Nunanut allanut ministerip Per Stig Møllerip nunat Qalasersuup/Issittup imartaata eqqaamiut tamaasa Ilulissani 2008-mi maajimi ataatsimiinnissamut qaaqquai.
Annonse
Danmarki Kalaallit Nunaallu ataatsimiinnissamut qaaqqusisuupput, ataatsimiinnissami tassani nunat aatsaavissuaq ataatsimoorlutik ajornartorsiutit oqaloqatigiissutigissavaat, immaqalu piginnaatitaaffiit aaqqiivigineqarnissaannut pilersaarummik isumaqatigiissuteqarsinnaassallutik.
Ataatsimiinnissamut peqqutaavoq, aasaq Qalasersuarmi pisoqarnersua, ilaatigut russit aappalaartortik immaq naqqanut napparsimallugu. Tamakku pipput qularnanngitsumik issittup imartaani pisuussutit ajoarnannginnerusumik anguneqarsinnaalissammata, ilaatigut nunarsuup kissatsikkiartorneranik peqquteqartumik, imaluunniit teknologip atorneqartup pitsanngoriartuinnarnerannik peqquteqartumik.