Misissuineq nutaaq: Siumut ajugaasut annersaraat

Ullumikkut qinersisoqartuugaluarpat 2009-mi juunimi qinersinermut naleqqiullugu Siumut ajugaasut annersarissagaluarpaat. Qinersisartunik paasiniaaneq kingullerpaaq HS Analysep Sermitsiaq sinnerlugu suliaa taama ersersitsivoq

Siumut-siulittaasua Aleqa Hammond qinersisartunik paasiniaaneq nutaaq nuannaarutissaqarfigeqaa. Assi: Tusagassiivinnut nassiussaq

netredaktion (netredaktion@sermitsiaq.ag)

Published 5 October 2012 - 10:44

Annonse

Ullumikkut Inatsisartunut qinersisoqartuugaluarpat Siumut qularutissaqanngitsumik ajugaassaaq. Partiip tapersersorneqarnera 15,5 procentpointimik amerleriaateqassaaq, 2009-mi qinersinermut naleqqiullugu ilaasortanik tallimanik amerlanernik isertitsissagaluarlutik.

Ullumikkut qinersisoqartuugaluarpat amerlanerussuteqarnavianngillat kisiannili assorsuaq amerlanerussuteqarneq qanillattussallugu. Atassut peqatigalugu katillutik ilaasortaq ataaseq amigaatigaat amerlanerussuteqarnissamut.

Qinersisartunik paasiniaaneq pillugu sapaatip akunnerani Sermitsiami saqqummersumi takusinnaavat partiit assigiinngitsut qanoq amerlatigisunik Inatsisartunut isertitaqassagaluarnersut ullumi qinersisoqartuuppat.

Aviisi uani pisiariuk:

politikki inuiagatigiit