Qaqortoq
Mobilit tillitat ingerlaartinneqartut
Qaqortumi politiit aarlerisaarutigaat, tillinneq aammalu tillitanik pisineq pineqaatissiissutaasartoq
Sapaatip-akunnerani kingullermi Qaqortumi pisiniarfimmut tillinniarnermut atatillugu mobilit Samsungit aamma iPhonet 22-t tillinneqarsimapput.
Tamatuma kingorna politiit inuit marluk tillinniarnermut atatillugu unnerluutigaat, aammalu mobilit tillitat ilaat nassaaralugit.
Tillitat tuniniakkat
Taamaattorli tillitat ilaat amigaataapput, Qaqortumilu politiit ilimagaat, tillitat inunnut tuniniarneqarsimassasut.
- Tillinniarneq aamma tillitanik pisineq pineqaatissiissutaasartoq erseqqissaatigerusupparput. Taamaattumillu innuttaasut mobilinik akikitsumik tuniniaaffigineqassagunik uagutsinnut saaffiginninnissaat innersuutigaarput, kujataani politiini immikkoortortami pisortaq, Bent Ole Kleist, tusagassiuutinut nalunaarummi erseqqissaavoq.
Innuttaasut nalunngisaqarunik - imaluunniit mobilinik tillitaasinnaasunik neqeroorfigineqarunik, Qaqortumi politiinut attaviginneqquneqarput. Telefon 70 11 22, oqartussat kajumissaapput.
Atuaruk: Angutit inuusuttut pingasut tillinniartutut pasisat