Mogens: Akilereerpunga
Suleqamminut arnamut narrutsannartumik sms-erami Mogens Kleist 3.000 koruuninik akiliisitaavoq.
- Erseqqissaatigerusuppara arnaq timaatigut attorsimanngisaannarakku - taamaallaat sms-ikkut attaveqarfigisimavara, Mogens Kleist nassuiaavoq, tamannalu peqatigalugu nassuerutigalugu imigassamik ajornartorsiuteqarluni.
Pisimasoq pisimavoq 2007-imi ukiakkut, arnalli pisimasoq aatsaat 2008-mi, qaammatit arfineq-marluk qaangiutereersut, politiinut nalunaarutigisimagaa Mogens Kleist oqarpoq.
- Akiliisitsissustit 3.000 koruunit ingerlaannavik akilerpakka, taavalu pisimasoq, puigorpara, taanna nassuiaavoq.
Sooq qinigassanngortippit nalunagu pinerluuteqarsimanermit ukiut tallimat aatsaat qaangiunneranni qinigassanngortittoqarsinnaasoq?
- "Akiliisitsinerinnaasimavoq" eqqartuussinertaqanngitsoq. Silatunerulersimavungali. Maanna inuuninni ingerlaqqinniarpunga. Imigassamik ajornartorsiuteqarnera iliuuseqarfiginiarpara peqqissumillu inuuneqaleqqissaqqaarpunga, Mogens Kleist sermitsiaq.gl-imut oqarpoq.
Mogens Kleistip tusagassiorfinnut allagaa talerpiatungaani atuaruk, tassani nassuiaalluni utoqqatserpoq...