Motzfeldt suneqassanngilaq
Siornatigut inatsisartuni siulittaasoq Jonathan Motzfeldt kinguaassiutitigut kannguttaatsuliorsimasutut aammalu persuttaasimasutut unnerluunneqassanngitsoq KNR nalunaarpoq.
Annonse
Nunatsinni politimesteri Steen Thomsen tallimanngornermi ullup qeqqa nalunaarpoq, Jonathan Motzfeldt-ip kinguaassiutitigut kannguttaatsuliorsimasutut aammalu persuttaasimasutut misissuiffigineqarnera unitsinneqartoq. Tamatuma kingunerisaanik inatsisitigut Jonathan Motzfeldt malersorneqassanngilaq.
Politiit Danmarkimiit angalasaqartut Nuummiissimapput Jonathan Motzfeldt-imut inatsisitut malersuinissamut tunngavissaqarnersoq paasiniarlugu. Motzfeldt suliap ingerlanerani pinngitsuunerartuarpoq. Suliaq qaqileqqinneqarpoq namminersornerusuni arnaq atorfilik naalagaaffiup eqqartuussissuserisuanut maalaaruteqarmat.
Jonathan Motzfeldt inatsisartut siulittaasuattut januarip 18-iat tunuarpoq.