Múte nutaamik allatsitaarpoq
Uiloq Mathæussen Naalakkersuisunut tusagassiuisarnermut siunnersortitut atorfimminit soraarpoq. Naalakkersuisut siulittaasuat allatsimik nutaamik aamma atorfinitsitsivoq.
Annonse
Uiloq Mathæussen, Naalakkersuisunut tusagassiuinermut siunnersortitut qaammatini aqqanilinni atorfeqareerluni Kalaallit Nunaanni Timersoqatigiit Kattuffianni atorfinittussanngorpoq.
Uiloq Mathæussen Inatsisartunut qinersinerup kinguninngua tusagassiuinermut siunnersortitut atorfinippoq.
Tusagassiuinermut siunnersorti Australiami, Sydneyimi Macquire Universitymi attaveqatigiinnermut Masterclassimi ilinniarsimavoq.
Allatsit marluk
Uiloq Mathæussen Kalaallit Nunaanni Timersoqatigiit Kattuffianni 1. marts atorfinissaaq.
Naalakkersuisut Siulittaasuat, Múte B. Egede maanna allatsinik marlunnik atorfeqartitsilerpoq. Allatsimi saniatigut nutaamik allamik allatseqalerami. Allatsi nutaaq avatangiisinut naalakkersuisumut maannamut allattaasimavoq.