Naaja: Kinap kisermaassinerata unitsinnissaa pisussaaffiunngilaq
Naak Danmark Europalu taama kissaateqaraluartut Kinap aatsitassanik qaqutigoortunik kisermaassinerata nunatsinnit unitsinneqarnissaa pisussaaffiginngilarput
Naalakkersuisut siulittaasuat Kuupik Kleist Inuit Ataqatigiinnersoq aqagu pingasunngornermi EU-mik isumaqatigiissummik atsioqateqartussaavoq, tassani qulakkeerneqarluni nunatsinnit aatsitassat nunarsuarmi tamarmi killersugaanngitsumik tuniniarneqarnissaat, Inatsisartullu inuutissarsiornermut ataatsimiititaliaata siulittaasuata Naaja Nathanielsenip Inuit Ataqatigiinneersup erseqqissarpaa nunatsinni pisussaaffeqanngitsugut Kinap aatsitassanik qaqutigoortunik kisermaassinerata unitsinnissaanik.
Taam oqarpoq Danmarks Radiop nutaarsiassanik aallakaatitaani Deadlinemi.
Læs "Aftale med EU holder Kina på afstand"
- Danmarkimiit isumaqarfigineqarajuttarpoq nunatta Kinap kisermaassinerata unitsinneqarnissaa pisussaaffigigaa. Taamatut isiginnittaaseqarnerup takutippaa qallunaat isaanniit qallunaat europamiulluunniit kalaallillu soqutigisaat assigiittutut isumaqarfigineqarajuttartut, Naaja Nathanielsen oqarpoq.
- Arlatisigummi aamma taamaassinnaavoq, kisianni oqallinnermi aqqusaagassat ilaat qaangiataarneqartarput aallaqqaammut isumaqarsimagaanni assigiinnik soqutigisaqarlutalu sallutitaqartrtugut.