Naalagaaffeqatigiinnerup iluani periarfissat nutaat atorluarpaat
Ministeriunerup Lars Løkke Rasmussenip Folketingimi naggataarutaasumik oqallinnermi Kalaallit Nunaat Savalimmiullu nersualaarpai suliassaqarfiit nunaat tigunissaannut periarfissat nutaat atorluarmatigit.
- Periarfissat nutaat namminersorlutik oqartussat peqatigalugit pilersitavut Savalimmiut Kalaallillu Nunaatalu atorluarpaat, Lars Løkke Rasmussen oqarpoq, tikkuarlugulu Savalimmiut pigisat, piginnittuussaaneq pinerluuteqarnermullu inatsisit pillugit susassaqarfik ukioq manna tigusimammassuk Kalaallillu Nunaata aatsitassaqarnerit immamilu qillerisoqarnerani avatangiisinut tunngasut tigusimallugit.
- Naalagaaffeqartigiinnerup nukittoqutigaa, atugassarititaasut iluanni inuiaqatigiit ineriartornissaannut nammineerluta aalajangiisaratta. Aammali nukittoqutaavoq nunanut allanut tunngatillugu ataatsimooratta, Lars Løkke oqarpoq.
Erseqqissarpaa nunat tamat akornanni suliniaqatigiiffinnut ilaasortaaneq ilaannikkut kinguneqarsinnaasarmat, nunat naalagaaffeqatigiit tamarmik pisumasaat ataatsikkut pisinnaaneq ajorlutik.
Assersuutitut taavaa arfanniarnermut apeqqut.
- Arfanniarnermut tunngatillugu Danmarkip kalaallit savalimmiormiullu piumasaqaataat naammassiniartarpai. Ilaannikkut kalaallit imaluunniit savalimmiormiut piumasaat pinngitsoorsinnaasarput. Tamakkiisumilli isigissagukku qularinngilara tamatta minnerunngitsumik Kalaallit Nunaat Savalimmiullu ataatsimoornitsinni iluaquserneqartartugut, Lars Løkke Rasmussen oqarpoq.