Naalagaaffeqatigiit Arktisk Rådimi siulitaasunngorput
Tromsømi Norgemiittumi ministerit ataatsimiinneranni Artisk Rådimi siliuttaasuuffik Naalagaaffeqatigiinnut, Danmarkimut, Kalaallit Nunaannut aamma Savalimmiunut tunniunneqarpoq
Kalaallit Nunaat, Danmarki aamma Savalimmiut maannakkut Arktisk Rådimi siulittaasunngorput. Tamanna Tromsømi Norgemi ataatsimiinnermi imaqarniliamut ilanngunneqarpoq, Aningaasaqarnermut Nunanullu Allanut Naalakkersuisoq, Per Berthelsen immikkut Naalakkersuisut sinnerlugit piginnaatitsissummik tunineqarsimalluni peqataavoq.
Ukiuni tulliuttuni marlunni siulittaasuunissami pilersaarutaasut tassaapput inuit aamma silaannaap qitiutinneqarnissaat. Tamakku saniatigut aamma siunniunneqarpoq Issittup Ukiuanit ingerlateqqitassatut iluatinnartut; naasut aamma uumasut qitiutinneqarnissaat, taamatuttaarlu issittumi naalagaaffiit akonrnanni suleqatigiinneq nukittorsarneqassaaq.
Kalaallit Nunaannut tunngatillugu aalajangiunneqarsimavoq inuussutissarsiutitigut ineriartortitsineq aamma CO2-mik anniatitsinerup qitiutinneqarnissaa. Tamakku saniatigut aamma Kalaallit Nunaannit isumaqartoqarpoq pingaartuusoq imaani sillimaniarnerup pitsanngortinneqarnissaata pisariaqartup qitiutinneqarnissaa, tamanna pisariaqarpoq umiarsuit takornarianik angallassisartut amerliartornerat pissutigalugu.
Tromsømi Isumaqatigiissut aamma Naalagaaffeqatigiit siulittaasuunerminni pilersaarutaat uani www.arctic-council.org takuneqarsinnaapput.