Naalagaaffiup sinniisoqarfia Folketingimut qinersinissaq pillugu: Tamatumuuna amerlanerit taasiartussapput
Naalagaaffiup sinniisoqarfiani pisortap tulliata, Morten Nornildip, 2022-mi Folketingimut qinersinissamut soqutiginninneq qaffasissasoq ilimagaa, eqqoriarlugulu taasiartortutut 50 procentit sinneqassasut.
Krystalkugle siulittuissutaasartoq qillarissarneqarsimavoq, qineqqusaartoqarluarnissaalu ilimatsaanneqarpoq. Kalaallit Danmarkip naalagaaffianut innuttaassuseqartut novembarip 1-ani taarsiartortussat 2015-imi kingullermik Folketingimut qinersisoqarneranut sanilliullugu amerlanerussapput.
Aviisi AG taama allappoq.
Taama Kalaallit Nunaanni Naalagaaffiup Sinniisoqarfiani pisortap tullia, Morten Nornild, siulittuivoq.
- Mianersortumik eqqoriaaneq tassaassaaq, tamatumuuna taasiartortut procentinngorlugit 50 procentinit amerlanerussasut. Taasiartortut procentinngorlugit taamaannissaat eqqoriarpara. Folketingimut qinersisoqartillugu Kalaallit Nunaanni soqutiginninneq nalinginnaasumik annertuallaartanngilaq. Kisianni qinersinissamut soqutiginninnerup annerunissaa maluginiarsinnaavara, Morten Nornild oqarpoq.
Aviisimi AG-mi atuarnerusinnaavutit. Aviisi uani pissarsiariuk: