naalakkersuisuni ajornartorsiorneq
Naalakkersuisoq nutaaq toqqarneqangajalerpoq
Suli nalunarallarpoq Siumup imaluunniit Atassutip Partii Inuit Naalakkersuisuni inikuat pissaneraa
Naalakkersuisuni ilaasortaq nutaaq novemberip tallimaani toqqarneqassaq. Naalakkeersuisutn siulittaasuat Aleqa Hammond Siumumeersoq Partii Inuit Naalakkersuisunit soraarsitaanerat nalunaarutigineqariitsiartoq taama nalunaarpoq.
Ingerlaannaq atuutilersumik Miiti Lyngep Partii Inunneersup Naalakkersuisutut pingasunngornerup unnunnissaa tikillugu akisussaaffii Aleqa Hammondip akisussaaffigilerallarpai.
- Nalunaarutigisinnaavarput Naalakkersuisuni ilaasortamik nutaamik novemberip tallimaat ivertitsissagatta, Aleqa Hammond oqarpoq.
Siumut aamma Atassut isumaqatigiissusiortussanngorput taakku partiit arlaat naalakkersuisuuffimmik nutaamik pissarsissanersoq. Aamma suli nalunarpoq Naalakkersuisut akisussaaffiinik allannguisoqassanersoq Naalakkersuisuni ilaasortamik nutaamik novemberip tallimaat toqqaasoqarneranut atatillugu.