Svend Hardenbergip mailernera
Naalakkersuisoqarfimmi pisortaq: Hardenbergip namminerisamik mailini atussagaa siunnertaqarpianngikkaluarpoq
Svend Hardenbergip namminerisamik mailini atussagaa 'annertunerusumik siunnertaqanngikkaluartoq' Naalakkersuisut siulittaasuata naalakkersuisoqarfiani pisortaagallartup Søren Hald Møllerip oqaatigaa
Naalakkersuisut siulittaasuata Naalakkersuisoqarfiani pisortatut tunuartinneqarallartup Svend Hardenbergip pisortaanermi nalaani Nick Nielsenip Siumumeersup Folketingimi ilaasortaanerani naqqeeqqusilluni januaarip 21-ani nammineerisaminik mailimik nassiussisimanera pillugu nutaanik paasissutissanik pissarsisoqarpoq marlunngormat. Mailimi nassiunneqartoq arfininngormat marsip arfineq aappaanni tiguneqarpoq, marsip qulingiluaanni nalunaarsorneqarluni.
Naalakkersuisut siulittaasuata Kim Kielsenip Siumumeersup Inatsisartuni ilaasortamut Naaja Nathanielsenimu IA-meersumut paragraf 37 naapertorlugu apeqqutaanut akissuteqarpoq.
Nalunaarsuineq kingusissoq
- Søren Hald Møller, Svend Hardenbergip maili nassiussaa Naalakkersuisoqarfimmit sooruna aatsaat marsip arfineq aappaanni tiguneqarpa?
- Naalakkersuisut siulittaasuata akissutaani takuneqarsinnaavoq. Naalakkersuisut siulittaasuanik isumaqatigiissuteqareernermi kingorna maili nassiunneqarpoq. Aamma Svend Hardenbergip mailiani kukkusoqarpoq, tassanimi aamma allattoqarfimmit nassiunneqarsimasoq Svend Hardenbergip namminerisamik mailianut akissutigineqartoq folketingimut ilaasortap allattaanut nassiunneqarpoq.
- Svend Hardenbergip namminerisamik mailini atornera siunnerineqanngikkaluarpoq, apeqqutaanngilarmi Namminersorlutik Oqartussani mailini atussagaa. Akissuteqammini takuneqarsinnaavoq allagaq Siumup Folketingianut nassiussaasoq. Naalakkersuisut siulittaasuata Naalakkersuisoqarfianut maili nassiunneqartussaasoq maluginiarneqanngitsoorpoq, taamaammallu maili aatsaat marsimi nassiunneqarpoq. Paasigatsigu ingerlaannaq Svend Hardenberg ilisimatipparput, maililu Naalakkersuisoqarfimmut nassioqqullugu. Maili tiguneqarmat taamaammat nalunaarsorneqarpoq, Naalakkersuisut siulittaasuata Naalakkersuisoqarfiani pisortaagallartoq Søren Hald Møller oqarpoq.
Toqqorteriniartoqarpa?
- Svend Hardenberg arlaannik toqqorteriniarsimagaluartoq isumaqarpit?
- Naamik. Namminerisamik mailip atorneqarnissaa eqqarsaatigineqanngikkaluarpoq.
- Svend Hardenberg arlaannik toqqorteriniarsarisoq innuttaasunit isumaliutigineqartoq paasisinnaaviuk?
- Namminerisamik mailip atorneqarnera nassuiaassutigisareerpara. Allattoqarfimmut mailimik nassiussinermi namminerisamik mailip atorneqarnissaa siunnertarineqanngikkaluarpoq.
- Sooruna namminerisamik maili nalunaarsorneqartoq?
- Suliffeqarfiup avataani mailimik nassiussisimasoqartillugu mailit nassiunneqartut nalunaarsorneqartartussaapput. Maili nassiunneqartoq pisortatigoortuusoq ersersinniarneqartarpoq. Tamanna maannakkut nassuiaassutigineqarpoq, Søren Hald Møller nassuiaavoq.
AG-mi allaaserineqartut 'Emailerpassuit suli ingerlarsortut' aamma 'Hardenberg uteqqissanngilaq' atuakkit. AG ataani pisiarineqarsinnaavoq: