Naalakkersuisoqatigiit utoqqalinersialinnut neriorsuutertik unioqqutileraat
– Taama pisoqarpoq appasissumik akunnattumillu isertitallit eqqarsaatigalugit, Martha Abelsen oqarpoq
Naalakkersuisoqatigiit, tassaasoq Siumut aamma Nunatta Qitornai, nunatsinni utoqqlinersialinnut neriorsuutiminnik ersarilluinnartumik unioqqutitsinissamik pilersaaruteqarput, utoqqartatta sapinngisamik sivisunerpaamik suliinnarsinnaanissaannik pisortatigoortumik politikkimik unioqqutitsisumik.
Sermitsiaq allappoq.
Peqqissutsimut, isumaginninnermut inatsisinillu atuutsitsinermut Naalakkersuisoq Martha Abelsen Inatsisartut ukiakkut ataatsimiinnerani utoqqalinersiat pillugit inatsimmut allannguutissatut siunnersuummik pingasunngornermi septembarip 25-ani siullermeerneqartussamik saqqummiussissaaaq.
Siunnersuut naapertorlugu utoqqalinersianut ilanngaatit 100.000 koruuninik qaffassapput, nunatsinni utoqqalinersiallit utoqqalinersianut tapisiat tunngaviusumillu utoqqalinersiat ikiliartuaartinneqalersinnagit isertitaqarsinnaanerulerniassammata.
Tunngaviusumik utoqqalinersiat allannguutissatut siunnersuut naapertorlugu 377.466 koruunini ikiliartuaartinneqartalissapput 533.688 koruuninilu ikiliartorunnaarsinneqartassallutik, tamatumalu kingorna utoqqalinersiallit koruunimik ataasinnguamilluunniit utoqqalinersiaaruttassallutik
Allaaserineqartoq aviisimi Sermitsiami tamakkiisumik atuaruk. Aviisi uani pisiarineqarsinnaavoq: