Naalakkersuisut: Erngup nukinganik innaallagissiorfiit pillugit siunnersuutit naatsorsorneqassapput
Tasiilami erngup nukinganik innaallagissiorfiup allilerneqarnera 55 millioner koruuninik akeqassaaq.
Inatsisartuni ilaasortat pingasut siunnersuutigisimavaat, Naalakkersuisut Tasiilami erngup nukinganik innaallagissiorfimmik alliliissasut.
Siunnersuut upernaakkut ataatsimiinnermi oqaluuserisassanngortinneqarsimavoq, Naalakkersuisulli suliniummut nangaassuteqarput
Nukissiorfiimmi naatsorsuisimanerisa takutippaat, suliuniut aningasaqarnikkut akilersinnaanngitsoq, Naalakkersuisullu taamaammat missingersuutinut naatsorsuutinullu inatsit naapertorlugu aningaasanik taarsigassarsisinnaanngillat.
55 millioner koruuninik akeqassasoq
Nukissiuutinut Naalakkersuisoq Kalistat Lund (IA) akissuteqaammini, Inatsisartut nittartagaatigut saqqummiunneqarsimasumi allappoq.
Naalakkersuisoq naapertorlugu suliniut 55 millioner koruunik akeqassaaq, aningaasanillu taarsigassarsisoqarsinnaanngippat aningaasat aningaasanut inatsimmi nassaarineqartariaqarlutik.
Naalakkersuisoq allannguutissatut siunnersuuteqarsimavoq, suliniutitp inuiaqatigiit aningaasaqarnerannut kinguneqaatissaasa naatsorsorneqarnissaat tassuunga qulakkeerneqassalluni.
Naatsorsuinikkut suliap ingerlateqqinneqarnissaa tunngavilerneqassaaq.
Naalakkersuisup oqaatigaa, innaallagissiorfiup allilerneqarneratigut illoqarfimmi innuttaasut mingutsitsinngitsumik nukissiuuteqalersinnaasut, tamatulu inuussutissarsiutitigut periarfissaqartoqallissaso, maannakkummi tamanna periarfissaqartinneqanngimmat.