Naalakkersuisut nassuerput Air Icelandimuttunngatillugu ajortoqartoq
Naalakkersuisut sinnerannut Jens B. Frederiksenip erseqqissaatigaa, Namminersorlutik Oqartussat sinnerlugit niuernermut tunngatillugu nutaanik isumaqatigiissuteqarpat inuaqatigiit aningaasaqarniarnerannut kingunissat eqqarsaatigineqartassasut
Tikeq nappartillugu maannakkut ingammik aningaasaqarnermut naalakkersuisoq Palle Christiansen (Demokraatit) uparuarneqarpoq, taasuma Namminersorlutik Oqartussat Air Icelandimut, Icelandarimut aamma Icelandair Hotelsinut annertoorujussuarmik niuernikkut aamma akikillisaaffigineqartarnissaq pillugu isumaqatigiissuteqarnissaq akuerisimammagit.
Isumaqatigiissuteqarneq tupigusutsitsisoq inissittorlu isumaqatigiinniariaaseq, maannakkut aammattaaq nalakkersuisut akornanni isornartorsiorneqartoq, atorlugu.
AG-imit paasissutissiineq tamakkerlugu pissarsiaraarput, taanna Ineqarnermut, Attaveqarnermut Angallannermullu Naalakkersuisup Jens B. Frederisken (Demokraatit), naalakkersuisunut februaarip sisamaani matoqqasumik ataatsimiinnermi saqqummiuppaa. Ataatsimiinneq siornatigut paasissutissanik pissarsiffiusimanngitsoq.
AG-imi normu 7-imi atuarsinnaavat, sooq pisariaqarnersoq »siunertaqarluarnerussaaq pisiniarnermut immikkoortortaqarfiup (namminersorlutik oqartussani, aaqq.) siunissaq eqqarsaatigalugu isumaqatigiissuteqarnerni aamma atsioqatigiinnerni, tamatuma inuaqatigiit tamakkerlugit aningaasarsiornermut qanoq kinguneqarnisaa eqqarsaatigineqartariaqartoq.«
Matuma ataani ingerlaqqiffimmi aviisi elektroniskimik pisiarisinnaavat.