Naalakkersuisut Siulittaasuat Kunngikkormiunit ataqqinaammik nersornaasigaasoq
Naalakkersuisut Siulittaasuat, Kim Kielsen Danmarkimiinnermini, Kunngissaq Frederik-up 50-liilluni inuuissiorneranut atatillugu, Kunngikkormiunit ataqqinaammik nersornaasigaavoq.
Taamaalillutik Kunngikkormiut Kim Marius Kielsen, Kalaallit Nunaanni Naalakkersuisut Siulittaasuat ridderkorset af Dannebrogsordenen-imik nersornaaserpaat.
Naalakkersuisut Siulittaasuat, Kim Kielsen, ridderkorset af Dannebrogsordenen-imik nersornaaserneqarnini sioqqullugu, september 2016-mi Inatsisartut Siulittaasoqarfiata
nersornaasiuttagaanik guld-iusumik nersornaatisinikuuvoq, tamannalu aamma sioqqullugu Partii Siumumi siulittaasunngornerminut atatillugu aarnuassaanik nannup kukianik angisuumik, 18. oktober 2014-mi nersorniarneqarluni tunineqarnikuuvoq.
Kim Kielsen nuna tamakkerlugu qinikkatut sulilerpoq 2005-mimi, siullermeerlunilu Naalakkersuisunngorpoq 2007-mi. 2014-miit Kielsen Naalakkersuisunut Siulittaasunngorpoq maannalu Inatsisartunut qinersinerup 24. april 2018-mi ingerlanneqartup kingorna Naalakkersuisut Siulittaasuattut ingerlaqqilluni.
Kim Kielsen-ip nuliarivaa Judithe Kielsen aappariillu marlunnik qitornaqarput.